Lənkəran Olimpiya İdman Kompleksində Lənkəran Şəhər Gənclər və İdman İdarəsinin təşkilatçılığı ilə “09 Noyabr-Dövlət Bayrağı Günü” münasibətilə “İradənlə qalib gəl” şüarı altında açıq qapı günündə müxtəlif idman növləri üzrə kütləvi idman tədbiri keçirilib. SİA-nın məlumatına görə, tədbirin keçirilməsi müxtəlif idman növlərini təbliğ etmək, yeniyetmə və gənclərin idmana olan marağını artırmaq və rayonda idmanın kütləviliyinin artmasına təkan vermək məqsədi daşıyırdı.
Tədbirdə rayonun tanınmış məşqçi-müəllimləri, beynəlxalq dərəcəli idmançılar tərəfindən müxtəlif idman növləri: boks, ağır atletika, sərbəst güləş, yunan-roma güləşi, taekvando, cüdo, poverliftinq, futbol, basketbol, valeybol, badminton, şahmat idman növləri üzrə məlumat verilib, idman növləri üzrə ayrı-ayrılıqda ustad dərsləri keçirilərək məşqçi-müəllimlərin rəhbərliyi altında tədbir iştirakçılarının məşq etmələrinə köməklik göstərilib.
Ümumillikdə tədbirə 600-dən çox gənc qatılıb.
Sərraf Mirsəfəroğlu
Bütün xəbərlər Facebook səhifəmizdə
USD
EUR
GBP
RUB