AMEA Naxçıvan Bölməsinin Təbii Ehtiyatlar İnstitutunun direktoru, AMEA-nın müxbir üzvü Əliəddin Abbasov və Hidrogeologiya və mineral sular laboratoriyasının müdiri, kimya üzrə fəlsəfə doktoru, dosent Fizzə Məmmədova XXI Beynəlxalq Təhsillə bağlı Texnologiya və Xidmətlər sərgisində iştirak etmək üçün dəvət alıblar. AMEA Naxçıvan Bölməsinin İnformasiya şöbəsindən SİA-ya verilən məlumata görə, Rusiya Təbiət Elmləri Akademiyasının Rəyasət heyətinin qərarı ilə aktuallığı və elmi-pedaqoji əhəmiyyətinə görə müəlliflərin “Təbii suların geokimyası və Naxçıvan Muxtar Respublikasında yayılma xüsusiyyətləri”, “Təbiətlə cəmiyyətin qarşılıqlı əlaqəsində ekologiya və ətraf mühit”, “Təbiətin möcüzəsi-su”, “Naxçıvan Muxtar Respublikasının mineral suları” və “Naxçıvan Muxtar Respublikasının kəhriz və bulaq suları” kitabları 12-15 oktyabr 2019-cu il tarixində Soçidə keçiriləcək sərgidə nümayiş olunacaq. Sözügedən kitabların rus və ingilis dilində 3 səhifəlik xülasələri sərginin kataloqunda dərc ediləcək.
Onu da qeyd edək ki, müəlliflərin kitab və elmi-metodik komplekslərinin ingilis dilində kataloqu 6-10 noyabr tarixində Avstryanın Vyana şəhərində keçiriləcək Beynəlxalq Vyana kitab sərgisində iştirak etmək hüququ qazanıb.
Bütün xəbərlər Facebook səhifəmizdə
USD
EUR
GBP
RUB