Azərbaycan toyları öz dəbdəbəsi, zəngin süfrəsi ilə seçilir. Əfsuslar olsun ki, Azərbaycanda "yaxşı toy" düşüncəsi bahalı və çox yemək çeşidi ilə müəyyən olunur. Toyların dəbdəbəsi artdıqca onlardan gözlənən gəlir də yüksəlir. Həmçinin toylarda süfrədə olan israfçılıq insanlara mənfi təsir göstərir, yüksək səs akustikası isə qonaqların el şənliyindən zövq almasına imkan vermir.
Restoranlarda qiymətlər necədir və onlar nəyə əsasən hesablanır?
Məsələ ilə bağlı iqtisadçı ekspert Samir Əliyevdən münasibət öyrəndik. SİA-ya açıqlama verən ekspert bildirdi ki, şadlıq saraylarının bəziləri vergidən yayınır: "Şadlıq sarayları normalda sadələşdirilmiş vergi ödəyirlər. Yəni bir şadlıq sarayının aylıq gəlirinin 4%-i dövlətə çatır. Bu, o deməkdir ki, əgər aylıq gəlir 20 min manatdırsa, o, dövlətə 800 manat pul ödəyir. Ancaq bu faizlər Bakı şəhəri üçün hesablanır. Bakıdan kənarda isə vergi 2%-dir. Əgər şadlıq sarayının aylıq qazancı 120 min manatdan artıqdırsa, bu zaman əlavə dəyər vergisi ödənilir. ƏDV-nin dərəcəsi hər vergi tutulan əməliyyatın və hər vergi tutulan idxalın dəyərinin 18 faizidir. Bu zaman qazanılan pullardan xərclər, gəlirdən isə mənfəət vergisi çıxılır. Bir sözlə, şadlıq saraylarında vergi ödəməsi aylıq gəlirə görə hesablanır. Amma bütün şadlıq sarayları öz gəlirlərini açıq şəkildə göstərmir. Bəziləri vergidən yayına bilir. Çünki onların bir çoxuna bu, sərf etmir".
Biz də paytaxtda fəaliyyət göstərən bir neçə şadlıq sarayının menyusunun qiymətini müəyyən etmək üçün araşdırma apardıq.
Onları təqdim edirik:
1. "Yeni Xudafərin"- 45-50 manat
2. "Amor" - 45-55-65 manat
3. "Arena" - 60-70 manat
4. "Ay işığı" - 60-70-100-120 manat
5. "Qızıl qaya" -70-80 manat
6. "Madonna" - 60-70-90 manat
7. "İmperial" -60-80 manat
8. "Kral" - 70-95-130 manat
9. "Meridian" - 60-70-80 manat
10. "Movida Plaza" - 50-60 manat
11. "Sarı gəlin" - 60-70-90 manat
12. "Sərin" - 60-80 manat
13. "Su pərisi" - 45-50 manat
14. "Niaqara" - 60-75 manat
15. "Xəmsə" -60-70 manat
16. "Yeganə" - 70-80 manat
17. "Xan bağı" - 60-80 manat
18. "Ağ saray" - 90-100 manat
19. "Jumeirah Bilgah Beach Hotel"- 250 avro
20. "Su Sonası" - 85-95-140
21. "Yeddi gözəl" - 45-70 manat
22. "Su səsi" - 25-45-50 manat
23. "Xarı bülbül" - 40-70-80 manat
24. "Kral" - 100-130-150-170 manat
25. "Hollivood" - 120-180 manat.
Bütün xəbərlər Facebook səhifəmizdə
USD
EUR
GBP
RUB