Xaçmaz rayonunda fərdi təsərrüfata hücum edən canavarların yaraladığı heyvanlar quduzluğa qarşı peyvənd edilib və onlar üzərində müalicə işləri aparılıb. Bu barədə SİA-ya Kənd Təsərrüfatı Nazirliyi yanında Dövlət Baytarlıq Nəzarəti Xidmətinin mətbuat katibi Yolçu Xanvəli məlumat verib.
Xidmətdən bildirilib ki, Xaçmaz rayonunun Bəbəli kəndinin sakini Rəhman Məmmədovun tövləsinə hücum edən canavarlar 15 baş qoyun-quzunu parçalayaraq öldürüb, 15-ni isə yaralayıb. Xaçmaz Rayon Baytarlıq İdarəsinin əməkdaşları hadisə yerinə baxış keçiriblər. Ölmüş heyvanlar sahibkarın vəsaiti hesabına, müəyyən edilmiş ərazidə basdırılıb və ərazi dezinfeksiya edilib.
Bütün xəbərlər Facebook səhifəmizdə
.jpg "Ukrayna niyə təkləndi?")
USD
EUR
GBP
RUB
