Bu gün Prezident İlham Əliyevin təşəbbüsü əsasında minimum əmək pensiyasının artırılması üçün hazırlanmış qanun layihəsinə dair mətbuat konfransı keçirilir. SİA-nın xəbərinə görə, Əmək və Əhalinin Sosial Müdafiəsi naziri Sahil Babayev söyləyib ki, əmək pensiyasının minimum məbləği martın 1-dən 38,5 faiz artırılaraq 116 manatdan (bir sıra kateqoriyalar üzrə 80 manatdan) 160 manata çatdırılacaq.
Nazirin sözlərinə görə, Prezident İlham Əliyevin təşəbbüsü ilə əmək pensiyasının minimum məbləğinin əhəmiyyətli şəkildə artırılmasına dair qanunvericilik layihəsi hazırlanaraq Milli Məclisə təqdim olunub: "Minimum pensiya məbləğinin artırılması ümumilikdə 233 min pensiyaçını (o cümlədən, 140 min nəfər əlilliyə görə pensiya alan şəxsi) əhatə edəcək. Onlardan 9 min nəfərin pensiyasında 93 faiz (75 manat), 26 min nəfərin pensiyasında 30 faiz (37 manat), 74 min nəfərin pensiyasında 16 faiz (27 manat) və s. artım olacaq. Artımın edilməsi üçün nazirlik yanında Dövlət Sosial Müdafiə Fondundan cari ilin 10 ayı (mart-dekabr) üzrə 41 milyon manat, illik isə 49 milyon manat əlavə vəsait yönəldiləcək".
Nazir deyib ki, 160 manatdan çox pensiya alan şəxslərin pensiyasında 3 faiz artım olacaq.
Bütün xəbərlər Facebook səhifəmizdə
USD
EUR
GBP
RUB