Rayonlarda kitabxanaların sayı artırılmalıdır. SİA-nın məlumatına görə, bunu Milli Məclisin deputatı Aqil Abbas parlamentin bu gün keçirilən plenar iclasında deyib.
A.Abbas bildirib ki, bəzi rayonlarda kitabxanalar bağlanıb: "Kəndlərdə kitabxana qalmayıb. Elektron kitabxanaya kim gedəcək? Mən buna inanmıram. Evdə telefonu, kompüteri olan elə kitabxanaya getməz. Elektron kitab oxumaq əleyhqaz geyinib qızılgül iyləmək kimi bir şeydir. Bəzi rayonlarda kitab mağazaları bağlanıb. Kitab haradan alınmalıdır?".
Millət vəkili üzünü imkanlı şəxslərə tutaraq bildirib, hərə öz kəndində kitabxana tikdirsə, çox yaxşı olar: "Restoran tikdirirlər, özləri bilərlər, amma nə olar ki, kitabxana da tikdirsinlər".
Müəllif: Nailə Məhərrəmova
Bütün xəbərlər Facebook səhifəmizdə
USD
EUR
GBP
RUB