Qax rayonu sakini Orucova Türkan Sədi qızı cərrahiyyə əməliyyatı zamanı dünyasını dəyişib. SİA-nın verdiyi məlumata görə, 1988-ci il təvəllüdlü T.Orucova yaşadığı evin 2-ci mərtəbəsindən yıxılıb.
Onurğa sümüyündən ağır xəsarət alan 31 yaşlı qadın Qax rayon Mərkəzi Xəstəxanasına çatdırılıb. Məlum olub ki, onun onurğasında sınıq var və bu səbəbdən Türkan Orucova Bakıdakı ixtisaslaşmış xəstəxanaya gətirilib.
Həkimlərin səyinə baxmayaraq onun həyatını xilas etmək mümkün olmayıb. T.Orucova əməliyyat vaxtı vəfat edib.
Qeyd edək ki, bədbəxt hadisə nəticəsində vəfat edən Türkan Orucova Dini Qurumlarla İş üzrə Dövlət Komitəsinin (DQİDK) tabeliyində yaradılmış Mənəvi Dəyərlərin Təbliği Fondunun icraçı direktoru Mehman İsmayılovun baldızıdır.
SƏS Media Qrupun əməkdaşları da faciə ilə əlaqədar mərhumun yaxınlarına səbr diləyir və dərin hüznlə başsağlığı verirlər.
Allah rəhmət eləsin!
Bütün xəbərlər Facebook səhifəmizdə
USD
EUR
GBP
RUB