Milli Məclisin bu gün keçirilən plenar iclasında ilk müzakirəyə çıxarılan məsələ "Azərbaycan Respublikasının İnsan hüquqları üzrə müvəkkili (Ombudsman) haqqında" qanunun 16-cı maddəsinə (Müvəkkilin sosial, maliyyə və digər təminatları) dəyişiklik olub. SİA-nın xəbərinə görə, qanun layihəsi haqqında məlumat verən Milli Məclisin Hüquq siyasəti və dövlət quruculuğu komitəsinin sədri Əli Hüseynli bildirib ki, qanun edilən dəyişikliyə görə, Azərbaycan Respublikasının İnsan hüquqları üzrə müvəkkilinin (Ombudsman) maaşı artırılır. Dəyişikliyə görə, Müvəkkil 2230 manat məbləğində aylıq əmək haqqı alacaq.
Qeyd edək ki, hazırki qanunvericiliyə görə, müvəkkil 2025 manat məbləğində aylıq əmək haqqı alır.
Qanununun 1-ci maddəsində nəzərdə tutulmuş dəyişiklik 2018-ci il mayın 1-dən tətbiq ediləcək.
Bütün xəbərlər Facebook səhifəmizdə
USD
EUR
GBP
RUB