Azərbaycan Respublikasının Dövlət Sərhəd Xidməti (DSX) sərhəd təhlükəsizliyinin təmin olunması sahəsində tədbirləri uğurla davam etdirir. DSX-nin mətbuat mərkəzindən SİA-ya bildiriblər ki, Xidmət əməkdaşlarının sayıqlığı və peşəkarlığı sayəsində son günlərdə 2 xarici vətəndaşın saxta sənədlərlə Azərbaycan Respublikasının dövlət sərhədindən keçmək cəhdinin qarşısı alınıb.
İyunun 17-də Bakı-Doha reysinin rəsmiləşdirilməsi zamanı 1991-ci il təvəllüdlü Ali Şah adlı Pakistan vətəndaşının pasportundakı Yaponiya vizasının həqiqiliyi şübhə doğurub. Laboratoriya şəraitində dərinləşdirilmiş yoxlama zamanı vizanın saxta olması təsdiqlənib.
İyunun 19-da Bağdad-Bakı reysi ilə gəlmiş İtaliya vətəndaşı 1985-ci il təvəllüdlü Yousif İbrahim Con adlı şəxsin pasportunun həqiqiliyi şübhə doğurub. Dərinləşdirilmiş yoxlama nəticəsində pasportun məlumat səhifəsi dəyişdirilərək saxtalaşdırıldığı müəyyən edilib. Araşdırma nəticəsində məlum olub ki, həmin şəxs İraq vətəndaşı, 1983-cü il təvəllüdlü Hayder Haşim İbrahimdir.
Saxlanılmış əcnəbilər barəsində müvafiq tədbirlər həyata keçirilir.
Bütün xəbərlər Facebook səhifəmizdə
USD
EUR
GBP
RUB