Milli Məclisin deputatı Aqil Abbas parlamentin bu gün keçirilən plenar iclasında Torpaq Məcəlləsinə əkin sahələrinin yandırılmasını qadağan edən dəyişiklik layihəsi ilə bağlı etirazını bildirib. SİA-nın xəbərinə görə, deputat Aqil Abbas bildirib ki, bu torpağı yandıranda orada olan cücülər, ziyanvericilər məhv olur.
Deputatın sözlərinə görə, yanan hissə gübrəyə çevrilir: "Bunun ziyanının nə olduğunu anlamıram. Aydınlıq gətirilsin ki, bu qadağa niyə tətbiq edilir?".
Milli Məclis sədrinin birinci müavini Ziyafət Əsgərov buna cavab olaraq bildirib ki, mütəxəssislər torpağın yandırılmasının əleyhinədir: "Torpağın üz qatının yandırılması olduqca ziyanlıdır. Samanın torpaqla qarışdığı zaman verdiyi mineral effekt yanan zaman olmur. Dəyişikliyin izahı budur... O ki qaldı ziyanvericilərlə bağlı məsələyə, o elə bir şeydir ki, yandırmaqla düzələn deyil, qaçıb gedirlər. Həmin ziyanvericilərlə mübarizənin ayrıca üsulları var".
Bütün xəbərlər Facebook səhifəmizdə
USD
EUR
GBP
RUB