Azərbaycanda Həcc ziyarətinə sənəd qəbulu başa çatıb, ayrılan kvota dolub. Qafqaz Müsəlmanları İdarəsindən (QMİ) SİA-ya verilən məlumata görə, Azərbaycandan Həcc ziyarəti üçün 1170 zəvvar sənəd verib.
Bildirilib ki, ehtiyac yarandığı halda, əlavə sənəd qəbulu aparıla bilər.
Qeyd edək ki, bu il Azərbaycan vətəndaşları üçün Həcc ziyarətinin xərci 4150 dollardır.
Zəvvarların uçuşunu Azərbaycan Hava Yolları (AZAL) təşkil edəcək. Zəvvarların səfərləri avqustun 14-ü, 15-i və 16-da baş tutacaq, dönüş isə sentyabrın 1-i, 2-si və 3-nə planlaşdırılıb.
Yaxın Şərqdə baş verən münaqişələr səbəbindən ziyarət yalnız təyyarə reysləri ilə təşkil olunur. Azərbaycanda Həcc ziyarətinin rəsmi təşkilatçısı QMİ-dir.
Bütün xəbərlər Facebook səhifəmizdə
USD
EUR
GBP
RUB