Möhtərəm Prezidentimiz İlham Əliyevin sərəncamı ilə İnam Kərimov yeni kabinetdə kənd təsərrüfatı naziri təyin edilib. Bu təyinat biz aqrar sahədə çalışan insanlarda da böyük ruh yüksəkliyinə səbəb olub. Daha cavan və işgüzar kadrlara üstünlük verən cənab İlham Əliyev kənd təsərrüfatında da elan etdiyi strateji xəttin davamlı olacağına bir daha təsdiq etmiş oldu.
Kənd Təsərrüfatı Naziri vəzifəsinə “ASAN Xidmət”in rəhbəri kimi özünü ən yaxşı tərəfdən göstərən İnam Kərimovun təyinatı da bu qəbildəndir. İnam Kərimov 6 iyun 1977-ci ildə Bakı şəhərində anadan olub. 1984-1994-cü illərdə Bakı şəhərində Humanitar fənlər Gimnaziyasında təhsil alıb. 1994-1995-ci illərdə ABŞ-ın İndiana ştatında Richmond High School-da təhsilini davam etdirib. 1995-ci ildə Bakı Dövlət Universitetinin Beynəlxalq hüquq fakültəsinə qəbul olunub. 1998-2000-ci illərdə Fransanın Strasburq Universitetində Hüquq üzrə bakalavr, 2000-2002-ci illərdə isə Sarbonna Universitetində hüquq üzrə magistr təhsili alıb.
2002-2004-cü illərdə Azərbaycan Respublikası Prezidentinin Administrasiyasında məsləhətçi, 2004-2012-ci illərdə baş məsləhətçi vəzifələrində çalışıb. 2005-2012-ci illərdə Azərbaycan Respublikasının Korrupsiyaya qarşı mübarizə üzrə Komissiyasının katibi olub.
2005-2012-ci illərdə Avropa Şurasının Korrupsiyaya qarşı Dövlətlər Qrupunda (GRECO) Azərbaycan Respublikasının nümayəndə heyətinə rəhbərlik edib.
Azərbaycan Respublikasının Prezidentinin 7 sentyabr 2012-ci il tarixli sərəncamı ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri təyin edilib.
"Azərbaycan Respublikasında turizmin inkişaf etdirilməsi ilə bağlı bir sıra tədbirlər haqqında" Azərbaycan Respublikası Prezidentinin 2016-cı il 27 dekabr tarixli 1179 nömrəli Fərmanı ilə tərkibi təsdiq edilən Azərbaycan Respublikası Turizm Şurasının üzvüdür.
"Azərbaycan Respublikasında biznes mühitinin əlverişliliyinin artırılması və beynəlxalq reytinqlərdə ölkəmizin mövqeyinin daha da yaxşılaşdırılması ilə bağlı əlavə tədbirlər haqqında" Azərbaycan Respublikası Prezidentinin 2016-cı il 13 iyul tarixli 2199 nömrəli Sərəncamı ilə tərkibi təsdiq edilən Komissiyanın üzvüdür.
Azərbaycan Respublikası Prezidentinin 2016-cı il 20 apel tarixli 1984 nömrəli Sərəncamı ilə tərkibi təsdiq edilən İqtisadi İslahatların Təhlili və Kommunikasiya Mərkəzinin Müşahidə Şurasının üzvüdür.
Sarbonna Universitetində hüquq üzrə doktor (docteur en droit) elmi dərəcəsi alıb.İngilis, fransız, fars və rus dillərini bilir.
Bu mühüm təyinat münasibətilə cənab İnam Kərimovu öz adımdan, rəhbərlik etdiyim kollektiv adından təbrik edir, ona bu məsul çətin vəzifədə uğurlar arzulayıram. İnanıram ki, yeni Nazirmiz daim aqrar sahədə çalışan biz iş adamlarının yanında olacaq, qarşıya çıxan çətinliklərin həllində bizə yardımçı olacaq, biz də ölkəmizin ərzaq təhlükəsizlyinin təmin olunmasında əlimizdən gələni əsirgəməyəcəyik.
Araz Yağubov,
“Yaşıl çay” FT MMC
Bütün xəbərlər Facebook səhifəmizdə
USD
EUR
GBP
RUB