İlk mərhələlər üzrə müsabiqənin qalibi olan məktəblilər Sumqayıt şəhər Gənclər və Yeniyetmələrin Yaradıcılıq Mərkəzinə toplaşaraq igid Azərbaycan oğluna öz məhəbbət və ehtiramlarını bildirib, onun qəhrəmanlıq yolunu davam etdirməyə hazır olduqlarını özlərinin inşa yazılarında, bədii qiraətdə və rəsm əsərlərində daha dolğun ifadə etməyə çalışıblar. Müsabiqənin yekun mərhələsində çıxış edənlər Azərbaycanın Milli Qəhrəmanı Mübariz İbrahimovun gənclərə nümunə ola biləcək şücaət və qəhrəmanlığından, onun əsl Azərbaycan oğlu kimi Vətənə sonsuz məhəbbətindən söhbət açıblar. Müsabiqənun bu mərhələsində nümayiş etdirilən "Vətən", "Dədə Qorqud", "Torpaq həsrəti", "İgid Mübariz" və "Azərbaycan əsgəri" adlı rəsm əsərləri tədbir iştirakçılarının xüsusi marağına səbəb olub.
Şeir-bədii qiraət müsabiqəsində məktəblilər tərəfindən Azərbaycanın görkəmli şairlərinin Vətənin azadlığına və istiqlaliyyətinə həsr olunan, düşmən üzərində qələbəyə səsləyən ən yaxşı şeirləri səsləndirilib. Hər bir nominasiya üzrə ayrı-ayrılıqda keçirilən yekun müsabiqənin sonunda mütəxəssislərdən, müəllim, şair, yazıçı və rəssamlardan ibarət münsiflər heyəti tərəfindən müəyyən edilən qaliblər xüsusi diplomlar və fəxri fərmanlarla təltif ediliblər.
Bütün xəbərlər Facebook səhifəmizdə
USD
EUR
GBP
RUB