Azərbaycan Respublikasının Prezidenti İlham Əliyevin Sərəncamı ilə Azərbaycan dövlətçiliyinə sadiqlik göstərərək vəzifə borcunu ləyaqətlə və yüksək peşəkarlıqla yerinə yetirdiyinə görə Arzu Yusif oğlu Rəhimov 2-ci dərəcəli “Vətənə xidmətə görə” ordeni ilə təltif edilib.
Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Yusif oğlu Rəhimov 1 oktyabr 1964-cü ildə Naxçıvan şəhərində anadan olmuşdur. 1986-cı ildə Novosibirsk Ali Hərbi Siyasi Ümumqoşun məktəbini bitirmişdir.
1986-1989-cu illlərdə SSRİ Silahlı Qüvvələrində müxtəlif vəzifələrdə xidmət etmişdir.
1992-2004-cü illərdə Azərbaycan Respublikasının Sərhəd Qoşunlarında baş zabit vəzifəsindən hərbi hissə komandiri vəzifəsinədək yüksəlmişdir.
2004-2006-cı illərdə Sərhəd Qoşunları Baş Qərargahı rəisinin 1-ci müavini vəzifəsində çalışmışdır.
2006-cı ildə Azərbaycan Respublikası Dövlət Sərhəd Xidməti rəisinin 1-ci müavini – Sərhəd Qoşunları Baş Qərargahının rəisi vəzifəsinə təyin edilmişdir. 2004-cü ildə general-mayor ali hərbi rütbəsinə layiq görülmüşdür.
2007-2012-ci illərdə Azərbaycan Respublikası Dövlət Miqrasiya Xidmətinin rəisi vəzifəsində çalışmışdır.
Azərbaycan Respublikasının Prezidenti İlham Əliyevin 17 mart 2010-cu il tarixli 813 saylı sərəncamına əsasən II dərəcəli "Dövlət miqrasiya xidməti müşaviri" ali xüsusi rütbəsi verilmişdir.
Azərbaycan və Rus dillərini mükəmməl bilir. Xidmət etdiyi dövrdə 10-dan artıq dövlət mükafatı və medallarla təltif olunmuşdur.
Azərbaycan Respublikasının Prezidenti İlham Əliyevin 13 fevral 2012-ci il tarixli sərəncamı ilə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi təyin edilmişdir.
Azərbaycan Respublikasının Prezidenti İlham Əliyevin 1 mart 2012-ci il tarixli sərəncamı ilə general-leytenant hərbi rütbəsi verilməklə həqiqi hərbi xidmətə qəbul edilib.
Ailəlidir, iki övladı var.
Övladlarından biri - Murad Rəhimov 1994-cü ildə Naxçıvan Muxtar Respublikasında anadan olub. TQDK tərəfindən keçirilən qəbul imtahanlarında 505 bal toplayaraq Azərbaycan Dövlət İqtisad Universitetinin maliyyə fakültəsində 2011-2015-ci illərdə təhsil alıb.
Bütün xəbərlər Facebook səhifəmizdə
USD
EUR
GBP
RUB