_859.jpg)
ABŞ-ın Azərbaycandakı Səfirliyinin keçən il 500-dən çox plastik butulkadan 3 metr yüksəklikdə ağac tikdiyini göstərən videonun uğurundan ruhlanaraq, ABŞ Səfirliyi və onun tərəfdaşları Beynəlxalq Rotari Club Bakı, Xəzər Rotari Klubu, Eko Bakı, Saritanın Ekoloji Yaradıcılığı, Azərbaycanda Amerika Ticarət Palatası, Avritel, Holiday Inn və IDEA bu gün, 5 dekabrda Park Bulvar AVM-də "yenidən istifadəni" rəmzləşdirərək istifadə olunmuş plastik şüşələrdən bayram ağacı ucaldıblar.
ABŞ-ın Azərbaycandakı səfirliyindən SİA-ya verilən məlumata görə, ağac təkrar emala və plastik istehlaka dair məlumatlılığı artıracaq.
Beynəlxalq Rotari Klubun Bakıdakı nümayəndəliyinin prezidenti Vassilios Sitaras qeyd edib ki, ABŞ Səfirliyi və digər tərəfdaşlarla birgə plastik şüşələrdən istifadə edərək bayram ağacını qurmaqdan məmnundur: "Nəzərə alsaq ki, bu təşəbbüs bu ilki Qış Bazarının mövzusu ilə üst-üstə düşür, bu tədbirin daha çox insanı planetimize kömək edən fəaliyyətlərə cəlb edəcəyinə ümid edirik. "Yenidən istifadə" atılan obyektlərdən və ya materiallardan orijinaldan daha yüksək keyfiyyət və ya dəyərdə məhsul yaratmaq üçün yenidən istifadəni ehtiva edir. Ağac, 10 dekabr tarixində Rotari Klublarının Qış Bazarına qədər və tədbir müddətində nümayiş olunacaq".
Xatırladaq ki, 2015-ci ildə dünyada 322 milyon tondan çox plastik istehlak edilib və bu rəqəm hər il artır. Bu, ətraf mühit üçün əsas təhlükədir. Plastikdən istifadəni azaltmaq, onlardan təkrar istifadə etmək və onları təkrar emal etməklə böyük nəticəyə nail olmaq olar.
Bütün xəbərlər Facebook səhifəmizdə
USD
EUR
GBP
RUB