Azərbaycan Milli Elmlər Akademiyası (AMEA) Rəyasət Heyətində Biologiya və Tibb Elmləri Bölməsinin (BTEB) Ümumi yığıncağı keçirilib. AMEA-dan SİA-ya verilən məlumata görə, iclasda Botanika və Dendrologiya institutlarında direktor seçkilərinə namizədlər haqqında məsələ də müzakirə olunub.
Bölmənin akademik-katibi, akademik Əhliman Əmiraslanov bildirib ki, Azərbaycan prezidentinin müvafiq fərmanı ilə təsdiq edilmiş “Azərbaycan Milli Elmlər Akademiyasının Nizamnaməsi”nə əsasən AMEA-nın elmi müəssisəsinin direktoru tabeliyində olduğu bölmənin ümumi yığıncağında gizli səsvermə yolu ilə 5 il müddətinə seçilir və Rəyasət Heyəti tərəfindən təsdiqlənir.
Bölmənin akademik-katibi qeyd edib ki, BTEB Botanika İnstitutunun direktoru vəzifəsinə akademik Validə Əlizadənin, Dendrologiya İnstitutunun direktoru vəzifəsinə isə AMEA-nın müxbir üzvü Tofiq Məmmədovun namizədliklərini irəli sürür.
İclasda Zoologiya İnstitutu Elmi şurasının tərkibində qismən dəyişiklik edilməsi qərara alınıb, bir sıra kadr məsələlərinə baxılıb.
Bütün xəbərlər Facebook səhifəmizdə
.jpg "Rusiyada dəhşətli Partlayış Baş Verib!")
USD
EUR
GBP
RUB