Azərbaycan Respublikasının Dövlət Bayrağı günü münasibətilə Gənclər üçün Təhsil Mərkəzinin təşkil etdiyi "Şanlı Bayraq" "Twitter" aksiyasına start verilib.
Mərkəzin baş katibi Gülnar Xəlilovanın SİA-ya verdiyi məlumata görə, internet aksiya əsasən “Twitter” sosial şəbəkəsində keçirilərək və 8-9 noyabr tarixlərini əhatə edəcək. Bütün təbliğat işi #9novemberourproudday #ourflag həştəqləri ilə aparılacaq.
Aksiyanın məqsədi Azərbaycan gəncliyi adından dünya ictimaiyyətinə, xüsusilə də ali təhsil ocaqlarına və beynəlxalq təşkilatlara şərqin ilk parlament respublikası olan ölkəmizin qədim dövlətçilik, demokratik ənənələri ilə bağlı həqiqətləri çatdırmaqdır.
Bununla bərabər gənclər ərazi bütövlüyümüzün və müstəqilliyimizin tarixi həqiqətlərinə həsr olunmuş məqalə, foto, bəyanat və digər materialları internet vasitəsilə dünyanın müxtəlif nöqtələrinə, ali təhsil ocaqlarına, beynəlxalq təşkilatların elektron ünvanlarına, populyar internet resurslarına, əcnəbi qəzet və jurnallara göndərəcəklər.
Aksiyada istifadə etmək üçün ingilis, fransız ,rus dilində materiallar hazırlanıb və təbliğat zamanı onlardan istifadə olunacaq.
Bütün xəbərlər Facebook səhifəmizdə
USD
EUR
GBP
RUB