Bakı şəhəri Səbail rayonu, İçərişəhər Cümə Məscidi dini icmasının rəhbəri, İlahiyyat elmləri doktoru, professor Hacı Surxay Məmmədli iyulun 4-də işğal altında olan ərazilərimizdə yerləşmiş təcavüzkar Ermənistan və işğal edilmiş Dağlıq Qarabağdakı separatçı qurumun hərbi birləşmələrinin beynəlxalq hüquq normalarının tələblərini pozan qanlı və vəhşi əməlləri ilə bağlı rəhbərlik etdiyi icma adından bəyanat yayıb. SİA-nın məlumatına görə, Müqəddəs Qurani-Kərimin təkvir surəsinin 9-cu ayəsi ilə başlayan bəyanatda bildirilir:
Bismillahir Rahmənir Rahim!
"Axı o hansı günaha görə öldürüldü?"; soruşulacağı zaman;Əməl dəftərləri açılacağı zaman;
Göy (yerindən) qopardılacağı (və ya büküləcəyi) zaman;
Cəhənnəm alovlandırılacağı zaman;
Və Cənnət (möminlərə) yaxınlaşdırılacağı zaman;
Hər kəs (dünyada bugünkü günə özü üçün yaxşı, pis) nə hazır etdiyini biləcəkdir!
Bəyanatda vurğulanır ki, tarixlər boyu insanlığa, bəşəriyyətə qarşı qanlı cinayətlər törədən şəxslər son anda Allah Taala tərəfindən cəzalandırılıb. Qeyd olunur ki, Ermənistan Silahlı Qüvvələri Azərbaycanın işğal olunmuş ərazilərindən Füzuli rayonunun Alxanlı kəndinin dinc sakinlərini öldürmək, yaşayış yerlərini dağıtmaq məqsədilə mina və qumbaraatanlarla atəşə tutaraq növbəti dəfə qanlı təxribata əl atdılar: "Cinayətkar Serj Sarkisyan rejimi 1 yaş 8 aylıq Quliyeva Zəhranı, eyni zamanda onun nənəsini - Allahverdiyeva Sahibə İdris qızını qətlə yetirməsi ilə uca Rəbbimiz qarşısında günahları üzərinə daha bir günah yazıdlar və onlar axirətdə cənəhhəm atəşində yanmağa məhkumdurlar!".
“Cümə Məscidi dini icması baş verən hadisəylə bağlı bəyan edir ki, qaniçən Serj Sarkisyan rejimi bilavasitə beynəlxalq humanitar hüquq normalarının tələblərini kobud surətdə pozaraq, qeyri-insani siyasətinə sadiq qalıb və bir daha sübut olunub ki, onlar heç bir beynəlxalq qanunlara hörmət etmirlər”-deyə qeyd edilən bəyanatda həmçinin vurğulanır: “Bu kimi ürək ağrıdan hallar tarixlər boyu təkrarlanıb və dinc insanların, qadın, uşaq, qocaların məhvi kimi bağışlanmaz cinayətlərinə görə pisləyir, cinayətkarların haqlı olduqları cəzanı almalarını tələb edirik”.
İçərişəhər Cümə Məscidi dini icması həmçinin bəyan edir ki, dünya birliyi baş verən hadisəyə biganə yanaşmamalı, işğalçı Ermənistanın Azərbaycana qarşı davam etdirdiyi təcavüz və təxribat halları qətiyyətlə pislənilməli, cinayətkarlar öz cəzalarına çatmalı, ölkəmizin haqlı tələbinə ədalətli şəkildə yanaşılmalıdır.
ALLAH ŞƏHİDLƏRİMİZƏ RƏHMƏT ELƏSİN!
Bütün xəbərlər Facebook səhifəmizdə
USD
EUR
GBP
RUB