Azərbaycanın Ukraynadakı səfirliyinin təşəbbüsü ilə Kiyev şəhərinin Borispol Beynəlxalq Hava Limanında Azərbaycan mədəniyyət günü keçirilib. Azərbaycan Respublikasnının Ukrayna Respublikasındakı səfirliyinin mətbuat xidmətindən SİA-ya verilən məlumata görə, Azərbaycanla Ukrayna arasında diplomatik əlaqələrin yaradılmasının 25 illiyinə həsr olunan tədbirdə xalqımızın qədim tarixi, zəngin musiqi mədəniyyəti, milli mətbəxi və əsrarəngiz turizm imkanları nümayiş etdirilib.
Gün ərzində dünyanın müxtəlif ölkələrindən Ukraynaya gəlib -gedən minlərlərlə sərnişin, bu dəfə Boristol Hava Limanında Azərbaycanın qədim və zəngin musiqi sədaları altında qarşılanıb və yola salınıb. Azərbaycan və Ukraynanın dövlət himnlərinin sədaları altında başlanan tədbirdə çıxış edən Azərbaycanın Ukraynadakı səfiri Azər Xudiyev xalqımızın qədim və zəngin -adət ənənələrindən söz açıb. Azərbaycanın inkişaf edərək qərblə şərqin multikulturalizm mərkəzinə çevrildiyini bildirən səfir, Kiyev hava limanından dünyanın müxtəlif ölkələrinə gedən turistləri, qədim abidələr diyarı kimi tanınan odlar yurduna səyahət etmək fürsətini əldən verməməyə çağırıb.
Azərbaycanla Ukrayna arasında qurulan diplomatik əlaqələrin 25 illik uğurlarından söz açan, Azərbaycan parlamentlərarası dostluq qurupunun rəhbəri Maksim Kuryaçiy, Borispol Beynəlxalq Hava Limanının baş direktoru Pavel Ryabkin və Ukrayna nazirlər Kabinetinin nümayəndəsi Svetlana Podlesna ölkəmizin beynəlxalq arenada əldə etdiyi nailiyyətlərdən bəhs ediblər. Azərbaycanı tolerantlıq və multikultral dəyərlərin vətəni adlandıran natiqlər, son dövrlər Azərbaycan səfirliyinin həyata keçirtdiyi rəngarəng tətbirlərin, ölkələrimiz arasındakı dostluq əlaqələrinin mökəmləndirilməsi ilə yanaşı, Azərbaycanın zəngin mədəniyyətinin təbliğ olunmasına xidmət etdiyini bildiriblər.
Ukraynanın nüfuzlu televiziya və kütləvi informasiya vasitələrinin xüsusi maraq göstərdiyi tədbirdə Azərbaycanın tanınmış tarizəni Arslan Növrəslinin ,gənc və istedadlı müğənni Vaqif Nağıyevin, Ukraynanın xalq artisti Qurban Abbasovun və Anna Mariya bacılarının ifasında geniş konsert proqramı nümayiş etdirilib. Azərbaycan milli rəqs ansamblının rəngarəng rəqsləri böyük maraqla qarşılanıb. Tədbirə qatılanlar Azərbaycanın milli yeməkləri və şirniyyatlarına qonaq edilib .Dünyanın müxtəlif ölkələrinə gedən sərnişinlərə Azərbaycanın qədim tarixini və əsrarəngiz turizm imkanlarını özündə əks etdirən foto bukletlər təqdim olunub.
Bütün xəbərlər Facebook səhifəmizdə
USD
EUR
GBP
RUB