AMEA Naxçıvan Bölməsinin Tarix, Etnoqrafiya və Arxeologiya İnstitutunun şöbə müdiri, AMEA-nın müxbir üzvü Vəli Baxşəliyev və Naxçıvan Dövlət Universitetinin müəllimi Fizzə Quliyevanın müəllifi olduqları "Naxçıvanın tarixi abidələri" adlı dərslik işıq üzü görüb.
AMEA Naxçıvan Bölməsinin informasiya şöbəsindən AZƏRTAC-a bildirilib ki, "Naxçıvan" Universitetinin elmi şurasının qərarı ilə nəşr olunan dərslikdə e.ə. VII minillikdən başlayaraq Naxçıvanda yaranan qədim yaşayış yerləri və memarlıq abidələri haqqında məlumatlar öz əksini tapıb. Kitabda Naxçıvan Muxtar Respublikası Ali Məclis Sədrinin 2005-ci il 6 dekabr tarixli "Naxçıvan Muxtar Respublikası ərazisindəki tarix və mədəniyyət abidələrinin qorunması və pasportlaşdırılması işinin təşkili haqqında" Sərəncamı əsasında 2006-2007-ci, 2006-2012-ci, 2008-2012-ci, 2013-2016-cı illərdə beynəlxalq ekspedisiyaların da qoşulduğu arxeoloji araşdırmalar zamanı aşkar olunan müxtəlif dövrlərə aid abidələr və maddi-mədəniyyət nümunələri elmi cəhətdən təhlil edilib. Naxçıvanın Kür-Araz mədəniyyəti abidələrinin tədqiqi bu mədəniyyətin mənşəyi, xronologiyası və inkişaf xüsusiyyətləri ilə bağlı bir sıra məsələlərə aydınlıq gətirir. Tədqiqatların nəticələri göstərir ki, Naxçıvan Kür-Araz mədəniyyətinin formalaşdığı əsas regionlardan biridir.
Tədqiqatçılar, müəllimlər, universitet tələbələri üçün nəzərdə tutulan, giriş, altı fəsil və nəticədən ibarət olan dərslikdə Naxçıvanın qədim abidələri, o cümlədən orta əsr tarix-memarlıq abidələri ətraflı şəkildə işıqlandırılıb.
Yeni nəşrdə verilən məlumatlar Naxçıvanın qədim abidələrinin öyrənilməsi baxımından böyük əhəmiyyətə malikdir. Dərsliyin nəşr edilməsi şübhəsiz ki, qədim tariximizi daha dərindən öyrənmək istəyənlərə dəyərli töhfədir.
Bütün xəbərlər Facebook səhifəmizdə
.jpg)
.jpg)
.jpg)
USD
EUR
GBP
RUB