"Bakı-2017" IV İslam Həmrəyliyi Oyunları" FOTOLAR

"Səs" qəzetinin təşkilatçılığı ilə Azərbaycan Prezidenti İlham Əliyevin Sərəncamı ilə 2017-ci ilin Azərbaycanda "İslam Həmrəyliyi İli" elan olunması və IV İslam Oyunlarına həsr olunmuş dəyirmi masa keçirildi. Dəyirmi masada Milli Olimpiya Komitəsinin baş katibi, millət vəkili, professor Ağacan Abıyev, Fələstin dövlətinin Azərbaycandakı fövqəladə və səlahiyyətli səfiri Nasir Əbdül Kərimi, Qırğızıstan Respublikasının Azərbaycandakı Fövqəladə və səlahiyyətli səfiri Aycigit Buranov, İndoneziya Respublikasının Azərbaycandakı fövqəladə və səlahiyyətli səfiri Hüsnan Bəy Fanani, Türkiyə səfirliyinin mətbuat məsələləri üzrə müşaviri Həmid Qaradəniz, Misir Ərəb Respublikasının Azərbaycandakı səfirliyinin nümayəndəsi Mafəddin Hümmətov, Qazaxıstan Respublikasının Azərbaycandakı səfirliyinin məsləhətçisi Darxan Kuşerbayev, Gənclər və İdman nazirinin müavini İsmayıl İsmayılov, Bakı şəhər Gənclər və İdman Baş İdarəsinin rəisi Raqif Abbasov, İslam Həmrəyliyi Oyunları Əməliyyat Komitəsinin marketinq şöbəsinin rəhbəri Tural Qəmbərov, "Sport Time" jurnalının baş redaktoru Jalə Rzabəyli, İslam Həmrəyliyi Oyunları Əməliyyat Komitəsinin könüllülər üzrə baş meneceri Əfsun Qurbanov iştirak edirdilər.

Dəyirmi masanı giriş sözü ilə açan "Səs" qəzetinin baş redaktoru Bəhruz Quliyev bildirdi ki, artıq may ayının 12-də ölkəmizdə "IV İslam Oyunları 2017" start götürəcək: "Bu oyunlar Azərbaycanda təkcə idman yarışması kimi deyil, eyni zamanda, xalqlar arasında əlaqələrin və dialoqun təşviqi platforması kimi də tarixə düşəcək. Əsas şüarı "Həmrəylik bizim gücümüzdür" olan oyunlar idman yarışması olsa da, müasir dünyada müxtəlif xalqları bir araya gətirərək, onlar arasında birlik və həmrəyliyin güclənməsində rol oynayacaqdır. Azərbaycanın müsəlman aləminin həmrəylik oyunlarına ev sahibliyi etməsi, əlbəttə ki, ölkəmiz üçün böyük nailiyyətdir. Azərbaycan müstəqil, islami dəyərlərə böyük hörmətlə yanaşan dövlət kimi, bu oyunların da uğurla keçməsini təmin edəcək.

"Bakı-2017" IV İslam Həmrəyliyi Oyunlarının Xəzərdən başlayan su səyahətinə həsr olunan mərasimdə Azərbaycan Prezidenti İlham Əliyevin vurğuladığı kimi, oyunlara bütün hazırlıq işləri başa çatıb, paytaxtımız qonaqları qarşılamağa və oyunları keçirməyə hazırdır. Aprelin 5-də

"Bakı-2017" IV İslam Həmrəyliyi Oyunlarının Xəzərdən başlayan su səyahətinə start verildi".

Azərbaycan dövlətinin, ölkə başçısı İlham Əliyevin ardıcıl olaraq ölkəninin bütün sahələrinin inkişafı üzrə islahatlar həyata keçirdiyini, dövlət proqramları qəbul etdiyini vurğulayan baş redaktor idman sahəsinin də hər zaman diqqətdə saxlanıldığını diqqətə çatdırdı. Prezident İlham Əliyevin bu sahəyə diqqətlə yanaşması Azərbaycanı dünyaya əsl idman ölkəsi kimi tanıdıb: "Dünyanın idman ictimaiyyətinin diqqətini çəkən Azərbaycanda - paytaxt Bakıda irimiqyaslı yarışlar yüksək səviyyədə təşkil olunur. Artıq Azərbaycan bu sahədə zəngin təcrübəyə malikdir. Azərbaycanda hökm sürən sabitlik, iqtisadiyyatın sürətli inkişafı, qayğı beynəlxalq yarışların Azərbaycanda keçirilməsini dəstəkləyən amillərdir. Zaman irəlilədikcə, 4-cü İslam Həmrəyliyi Oyunlarınının keçiriləcəyi tarix yaxınlaşır.

Maraqlıdır ki, Azərbaycanda görülən işlər kənarda necə təsir bağışlayır. Ağacan müəllim, ilk olaraq sualı sizə ünvanlayırıq, Azərbaycanın bu oyunlara hazırlıq prosesi yetərincəmidir və IV İslam Həmrəyliyi Oyunlarında idmançılarımız hansı yerlərə sahib ola bilərlər?

AĞACAN ABİYEV:

- Ölkəmizin tolerantlıq məkanı kimi tanınması və multikultural dəyərlərə sadiqliyi IV İslam Həmrəyliyi Oyunlarının ölkəmizdə keçirilməsi ilə bağlı qərarın qəbul edilməsində böyük rol oynayır. Bütün müsəlman aləminin həmrəylik oyunlarına ev sahibliyi etməsi, əlbəttə ki, Azərbaycan üçün böyük nailiyyətdir. Azərbaycan müstəqil və islami dəyərlərə böyük hörmətlə yanaşan bir dövlət kimi, bu oyunların da uğurla keçməsini təmin edəcək. İslam Həmrəyliyi Oyunları çox yüksək əhəmiyyətə malik idman yarışıdır. Heç də Ümumdünya Olimpiya Oyunlarının fəlsəfəsindən və ideologiyasından geri qalmır. Beynəlxalq Olimpiya Hərəkatının fəlsəfəsi və ideologiyası ilə üst-üstə düşür. "Bakı - 2015" ilk Avropa Oyunlarında olduğu kimi, sülh, əmin-amanlıq və sabitlik ölkəsi olan Azərbaycanda "IV İslam Həmrəyliyi Oyunları"ı da idman tarixinə yeni səhifə yazacaq.

Dünyanın idman arenasında artıq özünə layiqli yer tutan Azərbaycan beynəlxalq yarışlara ev sahibliyi edir. Buna Azərbaycanın dünyada ən sürətli templərlə inkişaf edən ölkəyə çevrilməsi imkan verib. Bakıda və bütövlükdə, Azərbaycanda idman infrastrukturunun yaradılması istiqamətində böyük işlər görülüb. Birinci Avropa Oyunlarının Bakıda keçirilməsi də elə bundan qaynaqlanırdı. İlk oyunlarının Bakıda keçirilməsi böyük nailiyyət oldu. "Bakı-2015" ilk Avropa Oyunları yüksək səviyyədə təşkil olundu və tarixi qələbə qazanıldı. İdmançılarımızın uğuru əvəzsiz oldu. Azərbaycan müstəqil, islami dəyərlərə böyük hörmətlə yanaşan bir dövlət kimi, bu oyunların da uğurla keçməsini təmin edəcək. Sülh, əmin-amanlıq və sabitlik ölkəsi olan Azərbaycanın IV İslam Həmrəyliyi Oyunlarına ev sahibliyi etməsi, əlbəttə ki, Azərbaycan üçün böyük nailiyyətdir. Azərbaycan müstəqil və islami dəyərlərə böyük hörmətlə yanaşan bir dövlət kimi, bu oyunların da uğurla keçməsini təmin edəcək. Avropa və islam dövlətlərinin idmançıları eyni şəhərdə oyunlarda iştirak etmiş olacaqlar. Məsələ yalnız idman və medalların sayı, nailiyyətlərlə bağlı deyil. Bu, dostluq, qarşılıqlı anlaşma, həmrəylik və tərəfdaşlıq deməkdir.

Bu oyunlar ilk Avropa Oyunlarından heç də geri qalmır və böyük əhəmiyyət kəsb edir.

BƏHRUZ QULİYEV:

- Müasir dünyamızda dünyəvi dövlət olan Azərbaycan dinlərarası, millətlərarası münasibətlərdə dünya üçün örnək, tolerantlıq və dözümlülük ənənələri ilə zəngin olan, milli-mənəvi dəyərlərinə sadiq qalan dövlətə çevrilib. Öz əqidəsinə və milli dəyərlərinə sadiq dövlət olaraq, təmsil olunduğu beynəlxalq forum və təşkilatlarda islam dünyasını və müsəlmanları dəstəkləyir, güclü tərəfdaşlıq əlaqələrini genişləndirir. Bugünkü tədbirdə Fələstin dövlətinin Azərbaycandakı fövqəladə və səlahiyyətli səfiri Nasir Əbdül Kərimi də iştirak edir. Sizcə, ölkəmiz IV İslam Həmrəyliyi Oyunlarına ev sahibliyi etməklə, islam dünyasının bir araya gəlməsində vasitəçilik missiyasına hansı töhfələri vermiş olacaq?

NASİR ƏBDÜL KƏRİMİ:

- İlk olaraq, bu gün IV İslam Həmrəyliyi Oyunlarına həsr olunmuş dəyirmi masaya məni dəvət etdiyinizə görə, sizə təşəkkürümü bildirirəm. Bu gün dünyada islam həmrəyliyinin gücləndirilməsi üçün böyük işlər görülür. Azərbaycan islam aləminin mühüm bir hissəsidir. Bu oyunların Azərbaycanda keçirilməsinin bir çox müsbət tərəfləri var. İlk olaraq, deyim ki, özünün mədəniyyəti, tarixi ilə fəxr edən müsəlman ölkəsi Azərbaycan dünyəvi bir ölkədir və tolerant, multikultural dövlət olaraq, dünyaya açıqdır və islamın əsl ruhunu göstərir.

Azərbaycan dostluğun möhkəmlənməsinə, insani dəyərlərə, sülh və əmin-amanlığa, birgəyaşayışa töhfələrini verir, sülsevər siyasət yürüdür. Biz Azərbaycanda bunun şahidi oluruq və müxtəlif xalqların, dinlərin nümayəndələrinin dostluq və qardaşlıq, həmrəylik, sülh, sabitlik şəraitində yaşadığını görürürük. Bu xalqların nümayəndələri də Azərbaycanın daha da inkişaf və tərəqqi etməsi üçün çiyin-çiyinə çalışırlar. İslam Həmrəyliyi Oyunlarının iştirakçıları bir daha Azərbaycandakı fərqli milli-dini mənsubiyyəti olan icmaların, müxtəlif millətlərin nümayəndələrinin qarşılıqlı əməkdaşlıq və mehriban şəraitdə yaşadığının şahidi olacaqlar. Azərbaycan islam ölkələri arasında əlaqələrin gücləndirilməsinə ev sahibliyi edərək, inkişafına nə qədər önəm verdiyini bir daha ortaya qoymuş olur.

IV İslam Həmrəyliyi Oyunlarının müstəqil və gənc dövlət olan Azərbaycanda təşkili, bu ölkənin müsəlman dünyasına verdiyi töhfədir. Digər tərəfdən isə, qeyd edim ki, Azərbaycan idman ölkəsidir və dünya miqyasında imic qazanıb. Biz fələstinli olaraq Azərbaycanın dünyada idman sahəsindəki nüfuzunun yüksək səviyyədə olduğunu bilirik. 2015-ci ildə keçirilən ilk Avropa Oyunlarında da biz Azərbaycanın uğurlarının şahidi olduq. Azərbaycan Avropa ölkələri ilə müqayisədə Oyunlarda Rusiyadan sonra ikinci yerə sahib oldu. Təbii ki, Azərbaycanın bu sahədə tarixi nailiyyəti var. Azərbaycanın Ümummilli Lideri Heydər Əliyevin idman sahəsinə ayırdığı diqqət və qayğı nəticəsində, Azərbaycan idman sahəsində böyük uğurlar qazanıb və Onun siyasi kursunun layiqli davamçısı Azərbaycan Prezident İlham Əliyevin uğurla həyat keçirdiyi idman siyasəti ölkənizin bu sahədə nailiyyətlər qazanmasına gətirib çıxarıb. Azərbaycanın beynəlxalq səviyyəli idman yarışlarına ev sahibliyi etməsi, eləcə də, bu uğurların əldə olunması Azərbaycanın gücünün göstəricisidir. Avropa Oyunları keçirilən zaman ölkənizdəki bütün diplomatlar Azərbaycanın belə möhtəşəm oyunlara ev sahibliyi etməsini və uğurla başa vurmasını yüksək qiymətləndirdilər. Təşkilatçılıq işlərinin yüksək olması, infrastruktur, açılış və bağlanış mərasimlərinin möhtəşəliyi ilə yadda qaldı.

Bütün bunlar Azərbaycanın dinamik iqtisadi və sosial inkişafını təsdiq edir, eləcə də, ölkənin müstəqillik əldə etməsindən etibarən müxtəlif sahələrdə qazandığı tərəqqi və uğurlardan xəbər verir. IV İslam Həmrəyliyi Oyunlarının keçirilməsi Azərbaycanın real həyatını nümayiş etdirməsi baxımından da vacib platformadır. Azərbaycan tədbirin möhtəşəm keçirilməsi üçün çox səy göstərir. Əminəm ki, bu oyunlar, ölkədə daha əvvəl təşkil edilmiş beynəlxalq tədbirlərdə gördüyümüz kimi, yüksək səviyyədə keçiriləcək. Azərbaycanı IV İslam Həmrəyliyi Oyunlarını keçirən gənc, dünyəvi dövlət qismində görməyimlə fəxr edirəm və belə bir tədbirin keçirilməsi münasibəti ilə sizi və özümü təbrik edirəm.

"Bakı-2017" IV İslam Həmrəyliyi Oyunlarında nə qədər fələstinlinin iştirakına gəlincə isə, bildirim ki, mənə verilən məlumata əsasən, idmançılarımızın ümumi sayı 100-ə qədərdir.

BƏHRUZ QULİYEV:

- Yaxşı olardı ki, "Bakı-2017" IV İslam Həmrəyliyi Oyunlarına hazırıq prosesi haqqında Tural Qəmbərov məlumat versin.

TURAL QƏMBƏROV:

- "Bakı-2017" IV İslam Həmrəyliyi Oyunlarına hazırlıq yüksək səviyyədə davam edir. Artıq İslam Həmrəyliyi Oyunlarında iştirak edəcək 57 ölkə təsdiqlənib və bu, ən rekord göstəricidir. Oyunlarda, ümumilikdə 8 minə qədər könüllü iştirak edəcək. Oyunların açılış və bağlanış mərasimlərinə hazırlıq işləri aparılır. Aprelin 5-də start götürən "Bakı-2017" IV İslam Həmrəyliyi Oyunlarının Xəzərdən başlayan su səyahəti Naxçıvanda, sonra Azərbaycanın digər 14 şəhərində də davam etdiriləcək. Bununla bərabər, idman tədbirləri də keçiriləcək, yeniyetmə və gənclər arasında məlumat xarakterli maarifləndirmə işləri aparılacaq. Bütün hazırlıq işləri ardıcıllıqla davam etdirilir.

Yarışların keçiriləcəyi idman məkanları isə, artıq hazır vəziyyətdədir. İdmançılarımızla birgə işləyirik. IV İslam Həmrəyliyi Oyunları üçün 14 idmançı səfir seçilib. Onların sırasında Azərbaycanın Olimpiya və Avropa çempionları var. Onlar uşaqlara idmana həvəsi aşılayaraq, islam fəlsəfəsindən irəli gələn sağlam həyat, sağlam bədən, idmanda və idmandan kənarda də ədalətçilik prinsiplərini təbliğ edirlər.

Bu oyunların yüksək səviyyədə təşkil olunması və keçirilməsi islam ölkələri arasında əlaqələri gücləndirəcək və bütün dünyaya bir daha nümayiş olunacaq ki, islam dini sülh, mərhəmət və qardaşlıq dinidir.

Azərbaycan IV İslam Həmrəyliyi Oyunlarına layiqincə ev sahibliyi etməklə müstəqillik tarixinə daha bir şanlı səhifə yazmış olacaq.

BƏHRUZ QULİYEV:

- Bugünkü dəyirmi masada Türkiyə səfirliyinin mətbuat məsələləri üzrə müşaviri Həmid Qaradəniz iştirak edir və maraqlıdır, bəs Türkiyə "Bakı-2017" IV İslam Həmrəyliyi Oyunlarına necə hazırlaşır?

HƏMİD QARADƏNİZ:

- İdman ölkəsi kimi bütün dünyada şöhrət tapan Azərbaycan 2017-ci ildə islam ölkələrinin idman ictimaiyyətinə ev sahibliyi etməklə beynəlxalq idman arenasına daha bir tarixi səhifə yazacaq. Bu, müsəlman xalqlarının idman və tərəqqi mədəniyyətinin birlikdə nümayişində tarixi şansı yaradıb. Əminəm ki, böyük imkanlara və təcrübəyə malik olduğu üçün Azərbaycan "Bakı-2017" IV İslam Həmrəyliyi Oyunlarında heyranedici nəticələr qazana biləcək.

Bu gün dünyada islama qarşı yalnış baxışlar var. İslam sülh, əslində, qardaşlıq dinidir və gözəlliyi, doğruluğu təqdim edir, pisliyi, yanlışlığı, çirkinliyi isə, əsla, aşılamaz. Onlardan uzaq durmağı tövsiyə edən din gənclər arasında da birliyin və həmrəyliyin daha da gücləndirilməsinə öz töhfələrini verir. Dünyaya birgəyaşama mədəniyyətini, tolerantlığı, irqi və dini ayrıseçkiliyə yol verməməyi mesaj olaraq göndərən Azərbaycanda bu cür oyunların keçirilməsi son dərəcədə mühüm əhəmiyyət kəsb edir. Azərbaycanda tolerantlıq və multikultural dəyərlərinin müasir cəmiyyətdə müdafiə olunması üçün görülən tədbirlərin nəticəsidir ki, bu gün Bakı dialoq üçün unikal geosiyasi məkana çevrilib. "Bakı-2017" IV İslam Həmrəyliyi Oyunları islamın fəzilətini bir daha dünyaya bəyan edəcəkdir. Bütün sahələrdə - iqtisadi, mədəni və siyasi sahələrdə olduğu kimi, idman sahəsində də bu ələqələrin genişlənməsi islam ölkələri gənclərini daha sıx birləşdirəcək. Bu addımlar birlik və insanların həmrəyliyi yolunda mühüm əhəmiyyət kəsb edir. Bu birlik nə qədər möhkəm olarsa, islam dünyasına xarici qüvvələr də təcavüz edə bilməz. Nə qədər ki, parçalanma, nifaq olar, bu birliyə nail ola bilmərik. Bu gün dünyada müsəlman qanı tökülür və müsəlmanın canı gedir.

Onu da vurğulayım ki, Azərbaycanda mövcud olan siyasi vəziyyət, iqtisadi artım, eyni zamanda, idman sahəsinə ayrılan diqqətin nəticəsidir ki, beynəlxalq idman yarışlarını ev sahibliyi edir. IV İslam Həmrəyliyi Oyunlarının Bakıda keçirilməsi münasibəti ilə hər kəsi təbrik edirəm. Sözsüz ki, Türkiyədən də bu oyunlarda idmançılarımız iştirak edəcəklər. 155 qadın, 224 kişi idmançının "Bakı-2017" IV İslam Həmrəyliyi Oyunlarında iştirakı gözlənilir. Bu, islam dünyasının yarışması olduğundan, qardaşlığın uğuru ən yüksək medala layiqdir. Bu yarışlarda iştirakçılar dostluq və qardaşlıq qazanacaqlar.

Keçmişi olmayanın gələcəyi olmaz. Keçmişə baxdığımız zaman görürük ki, bizim kökümüz, tariximiz var, böyük mədəniyyətimiz var. Biz onları gənclərimizə aşılamalıyıq. IV İslam Həmrəyliyi Oyunların uğurla başa vurmaqda Azərbaycana uğurlar arzulayırıq və inanırıq ki, Azərbaycan IV İslam Həmrəyliyi Oyunlarını yüksək səviyyədə təşkil etməklə birliyi, bərabərliyi və dostluğu gücləndirəcək. IV İslam Həmrəyliyi Oyunları dünyaya islamın əsl simasını, fəlsəfəsini və prinsiplərini göstərəcək. Azərbaycan son illərdə bir çox mötəbər idman tədbirlərinə yüksək səviyyədə ev sahibliyi edir. Buna görə Azərbaycanı təbrik edirəm. Nəzərinizə çatdırım ki, V İslam Həmrəyliyi Oyunları 2021-ci ildə Türkiyədə-İstanbulda keçiriləcək.

BƏHRUZ QULİYEV:

- Həqiqətən də, siz qeyd etdiyiniz kimi, müasir dünyada islama qarşı bir fobiya var. Bu, təkzibolunmazdır. Artıq bəzi Qərb ölkələrində, bu, ən kəskin bir şəkildə özünü göstərməkdədir.

Azərbaycan sülh, qardaşlıq dini olan islam dininə və islami dəyərlərə bağlı dövlətdir. Bütün islam dünyasını özündə birləşdirən IV İslam Həmrəyliyi Oyunlarında iştirak edənlər, bir daha dünyaya göstərəcəklər ki, islam sülh, qardaşlıq və dostluq dünyasıdır. Bu oyunlarda məğlub yoxdur və qalib islam dünyasının özü olacaq. Mən istərdim ki, İslam Həmrəyliyi Oyunlarına ev sahibliyi etmiş ölkələrdən olan İndoneziya Respublikasının Azərbaycandakı Fövqəladə və səlahiyyətli səfiri Hüsnan Bəy Fananinin fikirlərini dinləyək və maraqlıdır ki, bu ölkə hansı təkibdə idmançıları ilə oyunlarda iştirak edəcək.

HÜSNAN BƏY FANANİ

- İlk olaraq, "Bakı-2017" IV İslam Həmrəyliyi Oyunları"na həsr olunan dəyimi masaya məni də dəvət etdiyinizə görə, təşəkkürümü bildirirəm. İslam dünyası var olduqca bütün rəngarənəgliyini dünyaya nümayiş etdirəcək. Azərbaycan sözügedən oyunları təşkil etməklə islamın bütün gözəlliklərini dünyaya təqdim edəcək. Biz də islam ölkəsi olan Azərbaycandayıq. Deyim ki, dünyada ən vacib olan dörd amil vardır. Onlardan birincisi gözəl adət-ənənəyə, sivilizasiyaya malik olmaqdır. İkincisı ölkənin gənclərinin sağlam olmasıdır. Üçüncüsü intellektual səviyyənin yüksək olması və dünya elmlərinə yiyələnməkdir. Dördüncüsü isə azad fikir və addımların müstəqil olmasıdır. Bütün bu amillər Azərbaycanda var. Bu gün Azərbaycan bütün dünyaya nümayiş etdirir ki, inkişaf səviyyəsinə görə, öndə gedən dövlətlər sırasındadır. Nəinki texnologiyanın inkişafında, hətta elmin inkişafında da öz sözünü demişdir. Eyni zamanda, dostluğu, əmin-amanlığı və birliyi özündə birləşdirən sivil dövlətdir. Millətlərin birliyinə, bütün bəşəriyyətin dostluq və qardaşlığına töhfələrini verir. Biz bu gün dünyanın şimal, cənub, şərq və qərb tərəfindən islam adı altında bura - Xəzər dənizinin sahilində yığışmışıq. İlk insanların yaşadığı bir torpaqda. Nuh peyğəmbərin yaşadığı bir torpaqda. İnanırıq ki, Azərbaycan ilk Avropa Oyunlarında olduğu kimi, "Bakı-2017" IV İslam Həmrəyliyi Oyunlarını da müvəffəqiyyətlə başa çatdıracaq. Dünyanın hər bir yerindən islam ölkələrinin nümayəndələri bu oyunların uğurla başa çatması üçün dualarını əsirgəməyəcəklər. İndoneziyada bu oyunlar çox gözəl keçirildi. Ancaq Azərbaycanın böyük təcrübəsi var. Görürəm ki, ölkəniz IV İslam Həmrəyliyi Oyunlarının təşkilatçılığına daha diqqətlə yanaşır. Azərbaycan sivilizasiyanın inkişafı, mədəniyyəti və yüksək təşkilatçılıq qabiliyyəti ilə bütün dünyaya nümunəvi ölkə olduğunu göstərir. Azərbaycanda islami dəyərlərə, adət-ənənələrə böyük hörmətlə yanaşılır və Azərbaycan islamın əsl simasını əks etdirir.

Azərbaycan çox gözəl ölkədir və IV İslam Həmrəyliyi Oyunları tarixində də yeni səhifə açmış olacaq.

Hazırda mənə verilən məlumata görə, IV İslam Həmrəyliyi Oyunlarında İndoneziyanı 160-200 idmançı təmsil edəcək.

AYCİGİT BURANOV:

- Bakıda keçiriləcək IV İslam Həmrəyliyi Oyunları müsəlmanların birliyinə töhfə olacaq. İslam həmrəyliyinin gücləndirilməsi məqsədilə Azərbaycan dövləti, ardıcıl olaraq, məqsədyönlü siyasət yürüdür. 2017-ci ilin Azərbaycanda "İslam Həmrəyliyi İli" elan edilməsi Azərbaycan Prezidenti İlham Əliyevin müdrik və düşünülmüş siyasətinin məntiqi davamıdır. "İslam Həmrəyliyi İli" ilə bağlı imzalanan bu Sərəncam Cənab İlham Əliyev tərəfindən Azərbaycanın islam ölkələri arasında artan nüfuzunu daha da gücləndirərək, ümumilikdə, bütün dünyaya həmrəylik mesajı verdi. Azərbaycanda "İslam Həmrəyliyi İli" elan olunması islam dünyası tərəfindən böyük rəğbətlə qarşılanır. Azərbaycan müstəqil dövlət siyasəti həyata keçirir və öz milli-mənəvi dəyərlərini qoruyur. Ölkənizdə bütün dinlərin və məzhəblərin nümayəndələri bir ailə kimi yaşayırlar. Bu birgəyaşayış başqaları üçün nümunədir. Belə bir dövlətdə bir neçə aydan sonra artıq İslam Həmrəyliyi Oyunlarına start veriləcək. Bu oyunların da, məhz "İslam Həmrəyliyi İli"ndə Azərbaycanda keçiriləmsi böyük bir addımdır. Bu, təkcə Azərbaycan üçün deyil, bütün dünya üçün böyük hadisədir. Təbii ki, Azərbaycan Prezidenti İlham Əliyevin müdrik siyasətinin məntiqi olaraq həyata keçirilən bu hadisə Azərbaycanda tolerantlıq, multikultural dəyərlərə olan münasibətdən xəbər verir. Bu gün Azərbaycan dövləti sülhməramlı bir ölkə olaraq həmrəyliyə, dostluğa, birliyə və sülhə çağrışlar edir. Əsas hədəf təkcə islam ölkələrinin idmançılarını deyil, ictimaiyyətlərini də bir araya gətirməkdir. Oyunlar islam ölkələrinin dostluğunun və qardaşlığının simvoluna çevriləcək. Oyunlara ev sahibliyi edəcək qardaş ölkəyə uğurlar arzulayırıq.

"Səs" qəzetinin təşkilatçılığı ilə Azərbaycan Prezidenti İlham Əliyevin Sərəncamı ilə 2017-ci ilin Azərbaycanda "İslam Həmrəyliyi İli" elan olunması və IV İslam Oyunlarına həsr olunmuş dəyirmi masa keçirildi. Dəyirmi masada Milli Olimpiya Komitəsinin baş katibi, millət vəkili, professor Ağacan Abıyev, Fələstin dövlətinin Azərbaycandakı Fövqəladə və Səlahiyyətli səfiri Nasir Əbdül Kərimi, Qırğızıstan Respublikasının Azərbaycandakı Fövqəladə və Səlahiyyətli səfiri Aycigit Buranov, İndoneziya Respublikasının Azərbaycandakı Fövqəladə və Səlahiyyətli səfiri Hüsnan Bəy Fanani, Türkiyə səfirliyinin mətbuat məsələləri üzrə müşaviri Həmid Qaradəniz, Misir Ərəb Respublikasının Azərbaycandakı səfirliyinin nümayəndəsi Mafəddin Hümmətov, Qazaxıstan Respublikasının Azərbaycandakı səfirliyinin məsləhətçisi Darxan Kuşerbayev, Gənclər və İdman nazirinin müavini İsmayıl İsmayılov, Bakı şəhər Gənclər və İdman Baş İdarəsinin rəisi Raqif Abbasov, İslam Həmrəyliyi Oyunları Əməliyyat Komitəsinin marketinq şöbəsinin rəhbəri Tural Qəmbərov, "Sport Time" jurnalının baş redaktoru Jalə Rzabəyli, İslam Həmrəyliyi Oyunları Əməliyyat Komitəsinin könüllülər üzrə baş meneceri Əfsun Qurbanov iştirak edirdilər.

Dəyirmi masanı giriş sözü ilə açan "Səs" qəzetinin Baş redaktoru Bəhruz Quliyev bildirdi ki, artıq may ayının 12-də ölkəmizdə "IV İslam Oyunları 2017" start götürəcək: "Bu oyunlar Azərbaycanda təkcə idman yarışması kimi deyil, eyni zamanda, xalqlar arasında əlaqələrin və dialoqun təşviqi platforması kimi də tarixə düşəcək. Əsas şüarı "Həmrəylik bizim gücümüzdür" olan oyunlar idman yarışması olsa da, müasir dünyada müxtəlif xalqları bir araya gətirərək, onlar arasında birlik və həmrəyliyin güclənməsində rol oynayacaqdır. Azərbaycanın müsəlman aləminin həmrəylik oyunlarına ev sahibliyi etməsi, əlbəttə ki, ölkəmiz üçün böyük nailiyyətdir. Azərbaycan müstəqil, islami dəyərlərə böyük hörmətlə yanaşan dövlət kimi, bu oyunların da uğurla keçməsini təmin edəcək.

"Bakı-2017" IV İslam Həmrəyliyi Oyunlarının Xəzərdən başlayan su səyahətinə həsr olunan mərasimdə Azərbaycan Prezidenti İlham Əliyevin vurğuladığı kimi, oyunlara bütün hazırlıq işləri başa çatıb, paytaxtımız qonaqları qarşılamağa və oyunları keçirməyə hazırdır. Aprelin 5-də "Bakı-2017" IV İslam Həmrəyliyi Oyunlarının Xəzərdən başlayan su səyahətinə start verildi".

Azərbaycan dövlətinin, ölkə başçısı İlham Əliyevin ardıcıl olaraq ölkəninin bütün sahələrinin inkişafı üzrə islahatlar həyata keçirdiyini, dövlət proqramları qəbul etdiyini vurğulayan baş redaktor idman sahəsinin də hər zaman diqqətdə saxlanıldığını diqqətə çatdırdı. Prezident İlham Əliyevin bu sahəyə diqqətlə yanaşması Azərbaycanı dünyaya əsl idman ölkəsi kimi tanıdıb: "Dünyanın idman ictimaiyyətinin diqqətini çəkən Azərbaycanda - paytaxt Bakıda irimiqyaslı yarışlar yüksək səviyyədə təşkil olunur. Artıq Azərbaycan bu sahədə zəngin təcrübəyə malikdir. Azərbaycanda hökm sürən sabitlik, iqtisadiyyatın sürətli inkişafı və dövlət qayğısı beynəlxalq yarışların Azərbaycanda keçirilməsini dəstəkləyən amillərdir. Zaman irəlilədikcə, IV İslam Həmrəyliyi Oyunlarınının keçiriləcəyi tarix yaxınlaşır: "Ölkəmizdə idman sahəsinə ayrılan diqqətin nəticəsidir ki, bu gün dünyanın müxtəlif ölkələrində keçirilən idman yarışlarında Azərbaycan idmançıları böyük uğurlar əldə edirlər. İdmanın maddi-texniki bazasının möhkəmləndirilməsi, idmançıların peşəkar səviyyədə hazırlanmasına göstərilən qayğı öz müsbət nəticələrini verir. Bildiyiniz ki, Olimpiya oyunlarında və müxtəlif səviyyəli beynəlxalq yarışlarda Azərbaycan idmançıları tarixi nailiyyətlər əldə edirlər. İsmayıl müəllim, "Bakı-2017" IV İslam Həmrəyliyi Oyunlarında nə qədər idmançımız iştirak edəcək və bu oyunlara hazırlığın səviyyəsi necədir?".

İsmayıl İsmayılov:

- "Bakı-2017" IV İslam Həmrəyliyi Oyunları ilə bağlı islam ölkələrinin Azərbaycandakı səfirliklərinin nümayəndələri öz maraqlı, müsbət fikirlərini söylədilər və bu, olduqca təqdirəlayiq haldır. İslam Həmrəyliyi Oyunlarına ev sahibliyi edən ölkələrdən olan İndoneziya Respublikasının Azərbaycandakı fövqəladə və səlahiyyətli səfiri Hüsnan Bəy Fanani burada iştirak edir. Mən də həmin oyunlarda iştirak etmişəm və ümumiyyətlə, bu oyunların hamısının iştirakçısı olmuşam. Deyim ki, müsəlman dünyasında islami dəyərlərə çox önəm verən İndoneziya Respublikasında İslam Həmrəyliyi Oyunları təşkilatçılığı baxımından yüksək keçirildi. Əminəm ki, Azərbaycan da, öz növbəsində, yüksək təşkilatçılıq təcrübəsində bəhrələnərək, "Bakı-2017" IV İslam Həmrəyliyi Oyunlarına yüksək səviyyədə ev sahibliyi edəcəkdir.

Bu oyunlar islam dünyasının bir araya gəlməsində çox əhəmiyyətlidir. Bu, təkcə idman yarışı deyil, həm də dünya idmançılarının və gənclərinin bir araya gəlməsinə xidmət edir.

Azərbaycanda idman hərəkatının adı Ümummilli Lider Heydər Əliyevin adı ilə bağlıdır. Ölkəmizdə idmanın inkişafı, Azərbaycanın dünyada idman ölkəsi kimi tanınmasının əsası Ulu Öndər Heydər Əliyev tərəfindən qoyulub. Müasir dövrdə bu siyasəti uğurla davam etdirən Azərbaycan Prezidenti Cənab İlham Əliyevin davamlı və məqsədyönlü fəaliyyətinin nəticəsidir ki, Azərbaycan dünyada aparıcı idman ölkələrindən biri kimi tanınır. Azərbaycanda keçirilən Dünya və Avropa çempionatları, bir daha sübut edir ki, həqiqətən də, Azərbaycanda idman uğurla və sürətlə inkişaf edir.

Bu gün bizim regionlarda 50-yə yaxın müasir Olimpiya kompleksləri fəaliyyət göstərir. Bu da yeniyetmələrin və gənclərin asudə vaxtlarının səmərəli keçirilməsində mühüm rol oynayır. Ulu Öndər Heydər Əliyev deyirdi ki, yeniyetmə və gənclərin zərərli vərdişlərdən uzaq olmasında ən gözəl profilaktik tədbir onların bədən tərbiyəsi və idmana cəlb olunmasıdır. Doğrudan da, bu gün insanların çalışdıqları sahələrdən asılı olmayaraq, sağlam olmalarında bədən tərbiyəsi və idmanın rolu danılmazdır.

Azərbaycanda idmana dövlət tərəfindən göstərilən dəstək, idmançılarımızın uğurları, mövcud idman infrastrukturu və əlbəttə, ölkənin ümumi inkişafı, Azərbaycanda idmana, Olimpiya Hərəkatına dəstək dövlət siyasətinin prioritetlərindən biridir.

Təbii ki, Azərbaycanın mötəbər tədbirlərə ev sahibliyi etməsində iqtisadi nailiyyətlərimiz də əsas amillərdəndir. Son illərdə Azərbaycan dünyada ən sürətli templərlə inkişaf edən ölkəyə çevrilib. Mən inanıram ki, ölkəmizədə bu sahəyə ayrılan diqqət, iqtisadi inkişafımızın məntiqi nəticəsi olaraq, Azərbaycan dünyanın ən mötəbər tədbiri olan Olimpiya Oyunlarına da ev sahibliyi edəcək.

Bəli, dünyanın idman arenasında artıq özünə layiqli yer tutan Azərbaycanın beynəlxalq yarışlara ev sahibliyi etməsi uğurlarımız sırasındadır. Mən bu gün "Bakı-2017" IV İslam Həmrəyliyi Oyunlarına idmançılarımızın hazırlıq səviyyəsi haqqında da məlumat vermək istəyirəm. İdmaçılarımız oyunlara ciddi-cəhdlə çalışırlar. Artıq Azərbaycan idmançıları müxtəlif yarışlarda idmanın bütün növləri üzrə yüksək yerləri qazanıblar və inanırıq ki, bu oyunlarda da nailiyyətlər əldə olunacaq. Əminəm ki, ölkəmizdə keçiriləcək "Bakı-2017" IV İslam Həmrəyliyi Oyunları uzun illər yaddaşlarda qalacaqdır.

RAQİF ABBASOV:

- "Bakı-2017" IV İslam Həmrəyliyi Oyunlarının şüarı "Həmrəylik bizim gücümüzdür". Bildiyiniz kimi, bizim torpaqların bu gün 20 %-i işğal altındadır və işğal altında olan torpaqlarda Qarabağ at cinsləri var. "Bakı-2017" IV İslam Həmrəyliyi Oyunlarının simaları da, bu at cinslərinə uyğun olaraq, "İnci" və "Cəsur" adları ilə götürülüb. İncəlik və cəsurluğu özündə xarakterizə edən Qarabağ atları oyunların simaları olacaqlar.

"Bakı-2017" IV İslam Həmrəyliyi Oyunlarının rəmzi isə sudur. Artıq Azərbaycanın 15 bölgəsin səyahət edəcək su Xəzər bölgəsindən götürüldü. Hər bir müsəlman namazdan öncə, su ilə dəstəmaz alır. Su şəffaflığın və təmizliyin rəmzidir.

"Bakı-2017" IV İslam Həmrəyliyi Oyunlarının açılış mərasiminə 4 min nəfər qatılacaq. Ümumilikdə, 8 min nəfər könüllü oyunlarda iştirak edəcək. Onlardan 30%-i ilk Avropa Oyunlarında iştirak edən, 70 %-i isə bu oyunlarda iştirak edəcək yeni tərkibdə olan könüllülərdir. Paytaxtda mədəni-kütləvi tədbirlər keçiriləcək. Səyyar tamaşalar və yarışlardan sonra qonaqlar üçün maraqlı olsun deyə bədii-əyləncəli tədbirlər təşkil ediləcək. Eyni zamanda, artıq danışıqlar aparılır ki, "Bakı-2017" IV İslam Həmrəyliyi Oyunlarının televiziya yayımı təkcə müsəlman dövlətlərində deyil, qeyri-müsəlman dövlətlərində də təşkil edilsin. Demək, dünya bizi daha yaxşı eşidəcək. Könüllülərin şüarı da var: yarışlar zamanı müsəlman dövlətlərində savaş dayandırılsın, barış və birlik olsun! Azərbaycan Prezidenti İlham Əliyevin 2017-ci ili "İslam Həmrəyliyi İli" elan etməsi ilə bu şüarın təməlini qoydu. "Bakı-2017" IV İslam Həmrəyliyi Oyunlarının açılış və bağlanış mərasimlərində dünyaya mesajlar olacaq. Açılışda Azərbaycan bütün müsəlman dövlətlərinin birlik istədiyini deyəcək. Dünyanın müsəlman dövlətlərinin səsi eşidiləcək. Eyni zamanda, oyunlara qədərki tədbirlərə də, artıq stara verilib. Paytaxtımızda gənclər, könüllülər və idmançılarımız yarış zallarındakı təhlükəsizliyə riyaət olunmasına, qarşılanmaya, yola salmaya, Atletlər Kəndində təşkilati işlərə, tərcümə məsələrinə cəlb olunublar və onların əksəriyyəti islam dünyasının sülh elçiləridir. Bir daha "Bakı-2017" IV İslam Həmrəyliyi Oyunlarında paytaxtımıza gələcək bütün qonaqları gənclərimiz qarşılamağa hazırdır. Fürsətdən istifadə edərək, İstanbulu 2021-ci ildə V İslam Həmrəyliyi Oyunlarına ev sahibliyi etmək münasibəti ilə təbrik edirəm.

ƏFSUN QURBANOV:

- Azərbaycanda son illərdə keçirilən irimiqyaslı beynəlxalq səviyyəli tədirlər könüllülər hərəkatının yaranmasına zəmin yaratmış oldu. Biz də gənclər və könüllülərlə çalışmaq üçün əlimizdən gələni edirik. Oyunlarda könüllülər və işçi kollektivinin iştirakı bu tədbirlərin, deyərdim ki, onurğa sütunudur. Ümumiyyətlə, gənclər olmasa, bu kimi tədbirləri keçirmək də çətin olar. 8 min könüllü var və oyunlara hazırlıq üçün onlarla, mütəmadi olaraq, treninqlər keçirilir. Xaricdən gələcək qonaqların qarşılanıb - yola salınmasına kimi könüllülər, mütəmadi olaraq, onlarla təmasda olacaqlar. Bu işləri könüllülər heç bir qarşılıq gözləmədən edirlər ki, bu, vətənpərvərlik hissinin bariz nümunəsidir. Biz də, öz növbəmizdə, könüllərin təkcə oyunlar üçün deyil, o cümlədən, gələcək karyera hazırlığı üçün də bir sıra işlər görürük. "Uğurlu gələcək könüllüləri inkişaf proqramı" var. Bu proqram çərçivəsində biz onlar üçnü gələcək karyeraya hazırlıq məqsədi ilə bir sıra təlimlər həyata keçiririk. Təbii ki, oyunlara hazırlıq bir gündə baş vermir və bu, aylarla olan hazırlıq prosesində reallaşır. Burada ümumi təlimlər, məkan təlimləri, təhlükəsizlik təlimləri və s. keçirilir. Bundan sonra gənclər Azərbaycan əmək bazarında aktiv iştirak edə bilərlər. Ən gənc könüllünün 15, ən yaşlısının isə 76 yaşı var.

JALƏ RZABƏYLİ:

- Bu gün ölkəmiz "Bakı-2017" IV İslam Həmrəyliyi Oyunlarını və "Formula -1" yarışlarını keçirməyə hazırlaşır. Bu mötəbər yarışlarda idmançılarımıza uğurlar arzu edirik. Belə mötəbər yarışlarda aparılan təbliğat işlərinə qoşulmaq isə hər bir idman jurnalistinin vəzifəsidir.

"Bakı-2017" IV İslam Həmrəyliyi Oyunları bir yarışmadan öncə, həmrəylikdir. Qarabağ torpağının simvolları ilə ölkəmizə gələn qonaqlar tanış olacaq və arzu edək ki, belə tədbirlər tezliklə gözəl diyarımızda - Qarabağ torpağında keçirilsin.

Sözsüz ki, "Bakı-2017" IV İslam Həmrəyliyi Oyunlarında mətbuat orqanlarının da üzərinə məsuliyyət düşür və belə bir məqamda fəal olmaq zəruridir. Mənim də baş redaktoru olduğum "Sport Time" jurnalının növbəti sayı "Bakı-2017" IV İslam Həmrəyliyi oyunlarına həsr olunacaq. Bizim borcumuz Oyunları geniş bir şəkildə işıqlandırmaqdır.

BƏHRUZ QULİYEV:

- Bildiyiniz kimi, "Bakı-2017" IV İslam Həmrəyliyi Oyunlarının Xəzərdən başlayan su səyahətinə artıq start verilib. Azərbaycanın Birinci vitse-prezidenti, IV İslam Həmrəyliyi Oyunlarının Təşkilat Komitəsinin sədri Mehriban xanım Əliyevanın hazırlıq işlərində xüsusi əməyi var və Onun uğurlu fəaliyyəti nəticəsində təşkilatçılıq işləri yüksək səviyyədə həyata keçirilib. Mən inanıram ki, Azərbaycan bu sınaqdan - həmrəylik sınağından uğurla çıxacaq, islam dünyasının həmrəyliyinin yenidən dünyaya təqdimində böyük missiyanı həyata keçirəcəkdir. Mən hər kəsi bu oyunlarda məsuliyyətini hiss edib, fəal olmağa çağırıram.

Bizim dəvətimizi qəbul edib dəyirmi masada iştirak etdiyiniz üçün sizə minnətdarlığımı bildirirəm. Çox sağ olun!

Nəzakət ƏLƏDDİNQIZI