DİM Direktorlar Şurasının sədri Məleykə Abbaszadə martın 10-da Qobustan rayonunda vətəndaşlarla görüş keçirəcək. Mərkəzdən SİA-ya verilən xəbərə görə, Qobustan rayonunda keçiriləcək görüşdə Qobustan, Şamaxı, İsmayıllı və Qəbələ rayon sakinləri və həmin rayonlarda məskunlaşmış məcburi köçkünlər iştirak edə bilərlər.
Qəbul mart ayının 10-da saat 11:00-da Qobustan rayon Kənd Təsərrüfatı İdarəsinin inzibati binasında (Ünvan: Qobustan ş. H.Əliyev prospekti ) keçiriləcək.
Qəbula gəlmək istəyən vətəndaşların Dövlət İmtahan Mərkəzinin internet saytına daxil olaraq elektron müraciət formasını doldurmaqla qeydiyyatdan keçmələri (http://eservices.tqdk.gov.az/sedrinqebulu/) və ya DİM-in Göyçay regional bölməsinə (ünvan: Göyçay ş. R. İsayev k., 43, əlaqə telefonu: (020) 274 66 74) şəxsiyyət vəsiqəsilə birlikdə müraciət etmələri xahiş olunur.
Bundan əlavə, qeydiyyata yazılmaq istəyən vətəndaşlar Qobustan, Şamaxı, İsmayıllı, Qəbələ rayon təhsil şöbələrinə müraciət edə bilərlər.
Bütün xəbərlər Facebook səhifəmizdə
USD
EUR
GBP
RUB