Azərbaycan Turizm və Menecment Universitetinin "Turizm və otelçilik" fakültəsinin birinci kurs tələbələri Misirin Azərbaycandakı səfirliyinin Mədəniyyət və Təhsil Əlaqələri Mərkəzində olublar. SİA-ya mərkəzdən verilən məlumata görə, tanışlıq məqsədi daşıyan görüşdə tələbələri salamlayan Misir Mədəniyyət və Təhsil Əlaqələri Mərkəzinin rəhbəri Əhməd Sami Elaydi onlara qurum barədə məlumat verib. Diplomat bildirib ki, Misir Mədəniyyət və Təhsil Əlaqələri Mərkəzi 18 ildir Azərbaycanda fəaliyyət göstərən yeganə ərəb mədəniyyət mərkəzidir: "Mərkəzin fəaliyyətinin əsas istiqamətlərindən biri də nəinki mədəniyyət, eləcə də adından məlum olduğu kimi təhsil və elm sahəsində əməkdaşlıq həyata keçirilməsindən ibarətdir. Misir Mədəniyyət Mərkəzi Turizm və Menecment Universiteti ilə də sıx əməkdaşlıq edir. Bundan başqa Universitetin "Turizm və otelçilik" ixtisasının tələbələri üçün Misirdə istehsalat təcrübəsi həyata keçirilməsi üçün danışıqlar aparılır və yaxın zamanlarda bu barədə məlumat veriləcək".
Sonra Əhməd Sami Elaydi turizm sahəsində geniş təcrübəyə malik Misirin turzim zonaları, orada fəaliyyət göstərən yüksək səviyyəli otellər barədə məlumat verib. Tələbərin ixtisasları ilə əlaqədar suallar Mərkəz rəhbəri tərəfindən cavablandırıldıqdan sonra Misirin turizm imkanlarını əks etdirən video çarx nümayiş olunub.
Azərbaycan Turizm və Menecment Universiteti ilə Misir Mədəniyyət və Təhsil Əlaqələri Mərkəzi arasında əməkdaşlığa əsasən mütəmadi şəkildə tələbələrin Mərkəzə ziyarəti həyata keçiriləcək.
Bütün xəbərlər Facebook səhifəmizdə
USD
EUR
GBP
RUB