Yanvarın 18-də Bakı Baş Gömrük İdarəsində Avropa İttifaqı və Birləşmiş Millətlər Təşkilatının İnkişaf Proqramı tərəfindən Dövlət Gömrük Komitəsinə sərhədkeçmə prosesində sanitar və fitosanitar nəzarətinə düşən malların müayinə edilməsi məqsədilə yeni avadanlıqlar təqdim olunub. SİA-nın Dövlət Gömrük Komitəsinin mətbuat xidmətinə istinadən verdiyi xəbərə görə, təqdimat mərasimində Dövlət Gömrük Komitəsinin sədri, gömrük xidməti general-leytenantı Aydın Əliyev, BMT-nin ölkəmizdəki rezident əlaqələndiricisi Qulam İsakzai, Avropa İttifaqının Azərbaycandakı nümayəndəliyinin rəhbəri Malena Mard və digər rəsmi şəxslər ştirak edib.
Yeni avadanlıqlar Dövlət Gömrük Komitəsinə "Azərbaycan və Gürcüstan arasında "Sınıq Körpü" sərhəd-keçid məntəqəsinin inkişafına dəstək" layihəsi çərçivəsində təqdim edilib.
Xatırladaq ki, layihə Avropa İttifaqının maliyyə dəstəyi ilə Birləşmiş Millətlər Təşkilatının İnkişaf Proqramı və Azərbaycan Respublikasının Dövlət Gömrük Komitəsi tərəfindən birgə icra olunur.
Layihədə əsas məqsəd Azərbaycan və Gürcüstan gömrük xidmətləri arasında əməkdaşlığı inkişaf etdirmək, ticarəti asanlaşdırmaq, sərhədlərdə sanitar və fitosanitar yoxlamaları gücləndirmək, həmçinin "Sınıq Körpü" sərhəd-keçid məntəqəsini daha yaxşı infrastruktur və müasir texnologiya ilə təmin etməkdir.
Tədbirdə çıxış edən Dövlət Gömrük Komitəsinin sədri, gömrük xidməti general-leytenantı Aydın Əliyev qonaqları səmimiyyətlə salamlayaraq Azərbaycan Gömrük Xidmətinin 25 illik fəaliyyətindən bəhs edib, gömrük xidmətinin təşkili sahəsində görülən işlər, gömrük orqanlarının nailiyyətləri və son illər gömrük sahəsində aparılan mütərəqqi islahatlar barədə məlumat verib. Komitə sədri bildirib ki, əldə olunan uğurlar ulu öndər Heydər Əliyev tərəfindən əsası qoyulan və konturları müəyyənləşdirilən gömrük siyasətinin və Prezident İlham Əliyevin bu sahəyə hərtərəfli diqqət və qayğısının nəticəsidir.
Azərbaycan Gömrük Xidmətinin gömrük işinin təşkili sahəsində daim mütərəqqi ideyalara, qabaqcıl təcrübələrə xüsusi önəm verdiyini vurğulayan Komitə sədri, bu məqsədlə Ümumdünya Gömrük Təşkilatı və digər mötəbər qurumlar, gömrük işinin təkilində qabaqcıl təcrübəyə malik ölkələrlə qarşılıqlı səmərəli əlaqələrin qurulduğunu bildirib. 25 illik qısa zaman kəsiyində Azərbaycan gömrüyünün mühüm nailiyyətlər əldə etdiyini vurğulayan Aydın Əliyev bu nailiyyətlərin qazanılmasında digər mötəbər qurumlarla yanaşı, Birləşmiş Millətlər Təşkilatı və Avropa İttifaqının da xüsusi rol oynadığını diqqətə çatdırıb.
Gömrük orqanlarının 25 illik yubileyi münasibətilə təbriklərini çatdıran BMT-nin ölkəmizdəki rezident əlaqələndiricisi Qulam İsakzai, ötən müddət ərzində Azərbaycan Gömrük Xidmətinin mühüm nailiyyətlər əldə etdiyini, bu uğurların Azərbaycan Prezidentinin rəhbərliyi altında aparılan səmərəli fəaliyyətin nəticəsi olduğunu bildirib.
Avropa İttifaqının Azərbaycandakı nümayəndəliyinin rəhbəri Malena Mard da təbriklərini çatdıraraq təmsil etdiyi qurumla Azərbaycan Gömrük Xidməti arasında səmərəli əlaqələrin qurulduğunu bildirib və bu əlaqələrin gələcəkdə də faydalı əməkdaşlıq şəraitində davam etdiriləcəyinə əminliyini ifadə edib.
Təqdimat mərasimi zamanı Dövlət Gömrük Komitəsinin 25 illik yubileyi münasibətilə "Gömrük-sərhəd buraxılış məntəqələrində sanitar-radioloji nəzarətin inkişaf etdirilməsi" layihəsi çərçivəsində Atom Enerjisi üzrə Beynəlxalq Agentlik tərəfindən və İxrac Nəzarəti və Əlaqədar Sərhəd Təhlükəsizliyi (EXBS) proqramı çərçivəsində Amerika Birləşmiş Ştatlarının Dövlət Departamenti tərəfindən Dövlət Gömrük Komitəsinə bu günədək verilən avadanlıqların sərgisinə baxış keçirilib.
Tədbirdən sonra Dövlət Gömrük Komitəsinin sədri, gömrük xidməti general-leytenantı Aydın Əliyev və Komitə sədrinin müavinləri Bakı Baş Gömrük İdarəsinin rəsmiləşdirmə zalında olub, yaradılan şəraitlə maraqlanıb, sahibkarlarla söhbət edərək gömrük sahəsində tətbiq edilən yeniliklər barədə onların rəyini öyrəniblər. Sahibkarlar tətbiq edilən yeniliklər, gömrük idarələrində yaradılan şərait və biznes-gömrük əməkdaşlığından məmnunluqlarını ifadə ediblər.
.jpg)
.jpg)
Bütün xəbərlər Facebook səhifəmizdə
USD
EUR
GBP
RUB