"İlk dəfədir ki, Dünya Xəbər Agentliklərinin konqresində iştirak edirəm və buna görə çox şadam. Bakıda keçirilən mühüm tədbirdə əhəmiyyətli müzakirələr aparılır". SİA-nın xəbərinə görə, bunu İranın İRNA agentliyinin baş direktoru Məhəmməd Xudadi Bakıda Dünya Xəbər Agentliklərinin V Konqresində çıxışı zamanı deyib.
O bildirib ki, gələcəyimiz çox mürəkkəbdir və diqqətimizi fəaliyyətimizə yönətməliyik:" Hazırda dünyada media istər sənaye, istər neft, istərsə də qaz və digər sahələrdə böyük rol oynayır. Hər şey medianın əlindədir. Bugünkü dünyada əlində smartfonu olan şəxs jurnalist ola bilir. Vaxtından, məkandan asılı olmayaraq xəbəri alıb redaktə edib yaymaq mümkündür. Keçmişdə İRNA agentliyi yalnız məlumatın göndərilməsinə 3 min dollar xərcləyirdi. Agentliyimiz 4 il belə çalşdıqdan sonra faks yarandı və bu o zaman üçün böyük inkişaf idi. Amma indi hər gün yeni texnologiya yaranır və inkişaf edir. Hətta bəzi texnologiyalar o qədər inkişaf edir ki, onlar haqqında tam məlumat ala bilmirik. Bu baxımdan bizim işimiz çox çətindir".
M. Xudadi qeyd edib ki, müasir dövrdə neft sektorunda çalışan şəxs belə öz işi ilə jurnalistlərə təzyiq göstərə bilir:"Çünki o, mobil telefonla bütün məlumatları yaymaq imkanına malikdir. Hazırki dövrdə hər kəs sayt açıb məlumat çap edə bilər, bu o qədər də bahalı deyil. İndiki dövrdə vaxt, məkan məhfumları ləğv olunub. Keçmişdə biz növbətçilik edib xaricdə olan həmkarımızdan xəbər gözləməli idik. Amma bu gün informasiyaya heç bir xərc sərf edilmir, hər kəs təmənnasız informasiya ala bilir. Bu gün minlərlə media var və medianın rolu artmaqdadır. Media qurjmlarınln fəaliyyətində də dəyişiklik var. Mənə elə gəlir ki, İRNA 20 il bundan öncəki ilə eyni deyil".
"Əvvəllər eksklüziv imkanlar var idi. Amma hazırda bu sahədə dəyişiklik var. Bu gün İranda Pakistan, ABŞ, Rusiya ilə müqayisədə mətbuat çox fərqlidir. Bu gün mediada yazı üslubu dəyişməlidir. Əvvəllər bununla bağlı standartlar var idisə, hazırda bu sahədə sərbəstlik var. Jurnalist olduğum dövrdə Dehlidə çalışırdım. Orada köhnə vasitələrdən, video lentlərdən istifadə olunurdu, hazırda bütün texnologiyalar rəqəmsallaşdırılıb. Belə görünür ki gələcəkdə radio, televiziya qalmayacaq, mobil vasitələr onları geridə qoyacaq. Xəbərlər tələbata əsasən formalaşdırlılmalıdır. Sosial media şəbəkəsi ictimaiyyətə açıqdır və insanlarla daim əlaqədədir. Hazırda məlumatın qəbul olunmasında səbirsizlik var. İnsanlar tez bir zamanda məlumatla tanış olmaq istəyir. Bu baxımdan xəbərlər qısa və sadə formada olmalıdır. İndi axtarış sistemləri də inkişaf edib. Onlar vasitəsilə axtardığmız hər hansı şirkəti və ya orqanı rahatlıqla tapa bilirik" -deyə o, əlavə edib.
Bütün xəbərlər Facebook səhifəmizdə
USD
EUR
GBP
RUB