"Aşura günü" ilə əlaqədar oktyabrın 11-də Lənkəran şəhərindəki "Böyük Bazar" məscidində qanvermə aksiyasına başlanılıb. İki gün davam edəcək xeyriyyə tədbirinə Lənkəranla yanaşı, Astara, Lerik və Masallı rayonlarının sakinləri də qoşulublar.
Mərkəzi Qan Bankının Lənkəran bölməsi və Lənkəran Mərkəzi Rayon Xəstəxanasının tibbi personalının həyata keçirdiyi humanitar aksiyada dindarlarla yanaşı, əhalinin bütün təbəqələrinin nümayəndələri, o cümlədən qadınlar da fəallıq nümayiş etdirirlər.
Qan Bankının Lənkəran bölməsinin müdiri Telman Zülfüqarov bildirib ki, aksiyada toplanan qanlar laboratoriya müayinəsindən keçiriləndən sonra ehtiyacı olan xəstələrin, o cümlədən talassemiyalı və hemofiliyalı xəstələrin müalicəsində istifadə olunacaq.
Humanitar aksiyanın birinci günü könüllü qan vermək istəyənlərin sayı çox olsa da, yalnız sağlamlığı imkan verən 100 nəfərdən qan götürülüb.
Bütün xəbərlər Facebook səhifəmizdə
USD
EUR
GBP
RUB