May ayının 22-dən 25-dək Kənd Təsərrüfatı Naziri Heydər Əsədovun rəhbərlik etdiyi nümayəndə heyəti Macarıstana səfər edəcək.
Nazirlikdən SİA-ya verilən məlumata görə, səfərin məqsədi iki ölkə arasında kənd təsərrüfatı sahəsində əməkdaşlıq imkanlarının, investisiya mühiti və gələcəkdə həyata keçirilməsi nəzərdə tutulan layihələrin müzakirəsi olacaq.
Səfər çərçivəsində nümayəndə heyəti Macarıstanın kənd təsərrüfatı nazirliyində Macarıstan-Azərbaycan Kənd Təsərrüfatı üzrə biznes görüşdə iştirak edəcək, Macarıstanın kənd təsərrüfatının müxtəlif sahələri, o cümlədən atçılıq, quşçuluq, toxumçuluq, kənd təsərrüfatı texnikası, süd, şərab, yem istehsalı üzrə ixtisaslaşmış şirkətlərin təcrübəsi ilə tanış olacaq, bu ölkənin fermerlərinin istehsal etdiyi məhsullara baxış keçirəcəklər.
Eyni zamanda Azərbaycan iş adamları ilə Macarıstanın iş adamları arasında işgüzar görüşlər keçiriləcək.
Bütün xəbərlər Facebook səhifəmizdə
USD
EUR
GBP
RUB