“ASAN xidmət”də 8 min 108 müraciətə baxılıb

Bu ilin aprel ayında Bakı şəhərindəki 1, 2, 3, 4 və 5 saylı, eləcə də Bərdə, Sabirabad rayonlarındakı və Gəncə şəhərindəki "ASAN xidmət" mərkəzlərinə "Azəriqaz" İstehsalat Birliyi (İB) ilə bağlı ümumilikdə 8 min 108 müraciət daxil olub. SOCAR-ın mətbuat xidmətindən SİA-ya verilən xəbərə görə, əsasən, "smart" tipli qaz sayğacları ilə təchiz olunmuş istehlakçılara xidmətlərin göstərilməsi, "Azəriqaz" İB-nin müvafiq strukturlarından tələb olunan məlumatların alınması, həmçinin qazlaşdırma ilə bağlı texniki şərtlərin verilməsi barədə edilmiş müraciətlərin hamısı həllini tapıb.

İstehlakçılarla münasibətlərin təkmilləşdirilməsi, göstərilən xidmətin keyfiyyətinin yüksəldilməsi məqsədilə "Azəriqaz" bu istiqamətdə fəaliyyətini bundan sonra da davam etdirəcək.

Bütün xəbərlər Facebook səhifəmizdə