Əmək və Əhalinin Sosial Müdafiəsi Nazirliyinin təşkilatçılığı baş tutan yarmarkada 1500-dən çox vətəndaş özünə uyğun iş tapmağa çalışıb. SİA-nın bölgə müxbirinin verdiyi məlumata görə, 60 təşkilat tərəfindən 700-dən yuxarı ixtisaslaşmış iş yerləri təklif edilən əmək yarmarkasında əmək haqqının məbləği 131 - 615 manat arasında dəyişib. 47-si dövlət, 13-ü özəl olan təşkilatlarda vakant yerlərin 318-i fəhlə, 248-i qulluqçu, 185-i isə xidmət sahəsinə aid olub. Bilik və bacarığına uyğun iş tapanlara müvafiq idarələrə göndərişlər verilib. Yarmarkanın keçirilməsində məqsəd qeyri-məşğul əhalinin münasib işlə təmin edilməsi, haqqı ödənilən ictimai işlərə göndərilməsi, onların ixtisasdəyişmə və peşə hazırlıq kurslarına cəlb edilməsinə köməklik etməkdir.
Qeyd edək ki, yaxın günlərdə Gəncə şəhər İcra Hakimiyyətinin təşkilatçılığı ilə şəhər sakinləri üçün daha bir əmək Yarmarkasının keçirilməsi planlaşdırılır.
İlham Məmmədzadə
Bütün xəbərlər Facebook səhifəmizdə
USD
EUR
GBP
RUB