Prezident İlham Əliyevin tapşırıq və tövsiyələrinə müvafiq olaraq, mərkəzi icra orqanlarının rəhbərləri tərəfindən şəhər və rayonlarda vətəndaşların qəbulu davam etdirilir. Dini Qurumlarla İş üzrə Dövlət Komitəsinin sədri Mübariz Qurbanlı yanvarın 26-da Sumqayıtda bu şəhərdən, eləcə də Abşeron, Xızı, Qubadlı və Zəngilan rayonlarından olan sakinləri qəbul edib. Komitənin mətbuat xidmətindən SİA-ya verilən xəbərə görə, Sumqayıt şəhərindəki Tarix Muzeyində keçirilən qəbulda Komitə sədrinə ünvanlanan müraciətlər əsasən dini icmaların dövlət qeydiyyatı və fəaliyyəti, dini maarifləndirmə ilə əlaqədar icmalara vəsaitlərin ayrılması, məscidlərin təmiri, məscid kitabxanasının yaradılması və digər məsələlərlə bağlı olub.
Qəbuldan sonra muzeyin akt zalında "Multikultural və tolerant dəyərlərimiz: tarixilik, varislik, müasirlik" adlı regional konfrans keçirilib.
Bütün xəbərlər Facebook səhifəmizdə
USD
EUR
GBP
RUB