"Dövlət Təhlükəsizliyi Xidməti və Xarici Kəşfiyyat Xidməti yaradılanda qarşımıza tələb qoyuldu ki, hər iki qurum müasir tələblərə cavab verməlidir. Bizə bir ay vaxt verilmişdi. Bu müddət ərzində gördüyümüz işlərlə bağlı dövlət başçısına məlumat verdik. İndi öz səlahiyyətlərimiz çərçivəsində fəaliyyətimizi davam etdiririk". SİA-nın xəbərinə görə, bunu jurnalistlərə açıqlamasında Dövlət Təhlükəsizliyi Xidmətinin (DTX) rəisi, general-leytenant Mədət Quliyev deyib.
"Əməkdaşların sayını 30 faiz azaltmışıq. Planımız odur ki, əməkdaşlarımızın fəaliyyəti daha operativ və çevik olsun. İki qurum arasında işgüzar münasibətlər var. Məlumat mübadiləsi aparırıq. Həmin qurumda da kadrlarla bağlı islahatlar aparılır" - deyə, DTX rəisi bildirib.
Dövlət Təhlükəsizliyi Xidmətinin şöbələrinin bütün şəhərlərdə olması məsələsinə gəlincə M. Quliyev buna lüzum olmadığını deyib: "Bəzi şəhərlərdən kuratorluq əsasında məlumatlar toplayacağıq. Sərhədyanı rayonlarda daha güclü iş aparacağıq".
Bütün xəbərlər Facebook səhifəmizdə
USD
EUR
GBP
RUB