"Hökumət təkliflə çıxış etdiyi halda 2016-cı ilin dövlət büdcəsinə yenidən baxıla bilər". Bu sözləri SİA-ya açıqlamasında millət vəkili Musa Quliyev 2016-cı ilin dövlət büdcəsinin yenidən Milli Məclisdə müzakirəyə çıxarılması bağlı danışarkən deyib.
O bildirib ki, bu məsələ Azərbaycan hökumətinin səlahiyyətində olan məsələdir: "Hökumət 2016-cı ilin dövlət büdcəsinə yenidən baxılması haqda təklif irəli sürərsə, o zaman Parlament tərəfindən müzakirəyə çıxarıla bilər. Hələ ki, Milli Məclisin gündəliyində belə bir məsələ yoxdur".
Millət vəkili bildirib ki, Milli Məclisin yaz sessiyası çərçivəsində devalvasiya ilə bağlı olaraq yaşayış həddinin qaldırılması, minimum əmək haqlarının artırılması kimi məsələlər müzakirə edilə bilər.
Bütün xəbərlər Facebook səhifəmizdə
USD
EUR
GBP
RUB