Dekabr ayının 19-da "Oğuz" Müstəqil Araşdırmaçılar Qrupunun təşkilatçılığı ilə "Azərbaycan gəncliyinin məruz qaldığı yad ideoloji təsirlər" mövzusunda Milli QHT Forumun Bakı QHT Resurs və Təlim Mərkəzində dəyirmi masa keçirilib. Tədbiri "Oğuz" MAQ rəhbəri Vüqar Zifəroğlu açıb. O, bildirib ki, müasir zamanda Azərbaycan gəncliyi müasir informasiya daşıyıcıları ilə müxtəlif ideoloji təsirlərə və eləcə də mədəni ekspansiyaya məruz qalmaqdadır və bunun qarşısının alınması üçün maarifləndirici işin təşkili son dərəcə vacibdir.
Mövzu ilə bağlı çıxış edən AMEA Arxeologiya və Etnoqrafiya institutunun elmi işçisi, araşdırmaçı Pərviz Elay qeyd edib ki, Azərbaycan istər Qərb, istərsə də bizə qonşu olan dövlətlərin ideoloji təsirlərinə mütəmadi olaraq məruz qalır. Bu təsirlərdə başlıca məqsəd isə ilk növbədə gəncləri ələ almaq, onları müəyyən axın və istiqamətlərə yönəldərək gələcəkdə fərqli məqsədlər üçün istifadə edə bilməkdir. Pərviz Elayın fikrincə, yalnız dövlət deyil, ziyalılar və eləcə də qeyri-hökumət təşkilatları bu təsirləri və zərərli ideoloji axınları maksimum dərəcədə zərərsizləşdirmək üçün ciddi şəkildə fəaliyyət göstərməlidirlər.
Daha sonra birliyin İdarə Heyətinin üzvü Ceyhun Bayramlı mövzu ilə bağlı "Oğuz" MAQ-da hazırlanan slaydı təqdim edib. Slaydda kommunizm, anarxizm, ateizm, eləcə də xristian missioner və İslamla əlaqələndirilən qeyri-ənənəvi cərəyanlar barədə məlumat verilib.
Slayda təqdimatından sonra qonaqların da iştirakı ilə mövzu ilə bağlı fikir mübadiləsi aparılıb. Sonda çıxış edərək tədbir iştirakçılarına təşəkkür edən V.Zifəroğlu qonaqlara bir daha təşəkkürünü bildirib və yanvar ayında daha bir dəyirmi masanın təşkil ediləcəyini bildirib.
Bütün xəbərlər Facebook səhifəmizdə
USD
EUR
GBP
RUB