Lənkəranda soyğunçuluq edən şəxs yaxalanıb. SİA-nın Cənub bürosunun məlumatına görə, hadisə rayonun şadlıq saraylarının birində toy mərasimi zamanı baş verib. Naməlum şəxs 7 yaşlı qızın tək olmasından istifadə edərək onun qulaqlarındakı 400 manat dəyərində olan sırğaları çıxararaq qaçıb.
Hadisə barədə Lənkəran Şəhər-Rayon Polis Şöbəsinə məlumat verildikdən dərhal sonra əməliyyat-axtarış qrupu yaradılıb. Cəmi bir gün sonra hadisəni törətmiş Lənkəran şəhər sakini, 1977-ci il təvəllüdlü Zəki Xeyrulla oğlu Quliyev şübhəli şəxs qismində tutulub. Saxlanılan şəxs törətdiyi əməli etiraf edib.
Faktla bağlı cinayət işi açılıb, araşdırma aparılır.
Sərraf Mirsəfəroğlu
Bütün xəbərlər Facebook səhifəmizdə
USD
EUR
GBP
RUB