Layihə rəhbəri Kamran İsmayılov layihə haqqında geniş məlumat verərək qeyd edib ki, layihənin gerçəkləşdirilməsində əsas məqsəd KİV-də xüsusilə, elektron mediada çalışan gənclərin peşəkarlığının artırılmasına, sosial mediada milli maraqlarımıza zidd məlumat və informasiyaların qarşısının alınmasına dəstək vermək, həmçinin, gənc jurnalistlərin informasiya ilə işləmək vərdişlərini inkişaf etdirməkdir: "Bəzən gənc jurnalistlərin özlərinin də bilməyərəkdən milli maraqlarımıza zidd informasiyaların yayılmasında iştirakı, onların peşəkarlıq səviyyəsinin yetərli olmaması, sosial mediadan dövlət və milli maraqların, ölkəmizin mövcud reallıqlarının təbliği istiqamətində fəaliyyətinin istənilən səviyyədə olmaması kimi problemlərin mövcudluğu hər birimizə bəllidir. Nəzərə alsaq ki, mediada çalışanların mühüm bir hissəsini gənclər təşkil edir, onda bu istiqamətdə maarifləndirmə, təbliğat işlərinə, sosial mediada çalışan gənclərlə effektiv işin qurulmasına ehtiyac var. Layihə çərçiəsində Bakıda, Sabirabad rayonunda çalışan gənc jurnalistlər üçün təlimlər keçirilib. Ölkənin ən tanınmış mütəxəssisləri təlimlərdə iştirak edib. Bu bizim üçün böyük uğurdur. Hesab edirəm ki, bu kimi layihələri gələcəkdə də həyata keçirməliyik".
Daha sonra çıxış edən "SƏS" Media Qrupunun rəhbəri, fəlsəfə üzrə fəlsəfə doktoru Bəhruz Quliyev çıxış edərək mediada vətənpərvərlik və milli maraqlarımızın təbliğində gənclərin rolundan bəhs edib. B.Quliyev qeyd edib ki, əgər media inkişaf edirsə vətəndaş cəmiyyətinin inkişafı üçün mühüm stimul yaranır: "Dövlətimiz medianın inkişafında maraqlıdır və bu sahədə gənclərin potensialını artırmaq dövlətin əsas prioritet istiqamətlərindəndir. Gənclərin milli şüurunun inkişaf etdirilməsi və vətənpərvərlik hisslərinin artırılmasında kütləvi informasiya vasitələrinin rolu danılmazdır. Bu sahənin hər bir yazılı və elektron kütləvi informasiya vasitələrində diqqətdə saxlanması başlıca vəzifəmizdir. Bu gün Azərbaycan mediasında vətənpərvərlik mövzusunun inkişaf etdirilməsi ən yüksək səviyyədə həyata keçirilir. Çünki mediada vətənpərvərlik mövzusu olduqca vacib məsələdir. Ona görə də bu işdə intellektual gənclərə ehtiyac böyükdür. Azərbaycan gənci vətənpərvər gənc kimi yetşir, dünyaya Azərbaycan həqiqətlərini çatdırmaqda müstəsna xidmətlər göstərir. Düşünürəm ki, gənc nəsil bunu özünün bir növ mənəvi borcu hesab etməlidir".
Bəhruz Quliyev həmçinin onu da qeyd edib ki, medianın daima bir məqəsədi olmalıdır: "Azərbaycançılıq ideyasını təbliğ etmək, böyüməkdə olan gənc nəsilə vətənpərvərlik hislərini aşılamaq. Bu gün ermənilər Azərbaycanın işğal olunmuş ərazilərinə aid çoxsaylı internet resursları yaradaraq Azərbaycanın əzəli torpaqlarını, zəngin mədəni dəyərlərimizi özününküləşdirərək dünyaya saxta erməni mənbə kimi təqdim etməyə çalışırlar. Harda Dağlıq Qarabağın adı çəkilir, oradan bir erməni əli çıxır. Müxtəlif sosial şəbəkələrdə 100-lərlə səhifələr açaraq qondarma qurumun tarixinin, mədəniyyətinin təbliği ilə məşğuldurlar. Biz bunun qarşısını almalıyıq. Biz gənclərimizi mübarizəyə hazırlamalıyıq".
Son olaraq Bəhruz Quliyev Azərbaycan gəncliyinin cəmiyyətn inkişafında, dövlətin həyata keçirdiyi uğurlu siyasətin reallaşmasında avanqard qüvvə kimi fəal olmağa dəvət etdi.
Tədbir gənclərin mövzu ətrafında diskusiyaları ilə davam etdirildi.
.jpg)
İntizarə Məmmədova
Bütün xəbərlər Facebook səhifəmizdə
USD
EUR
GBP
RUB