Bildirib ki, adları qeyd edilənlər məhsulların istehsalına ictimai nəzarət qurulub: "Həmin müəssisələrdə təhlükəsiz qida istehsal olunur. Biz bu üç müəssisənin təhlükəsiz qida istehsal etdiyini təsdiq edirik. Ancaq onu da xüsusilə vurğulayım ki, bunun halal qida olduğunu söyləmirik. Xüsusilə diqqətinizə çatdırım ki, artıq Standartlaşdırma, Metrologiya və Patent üzrə Dövlət Komitəsi kütləvi informasiya vasitələri, ictimai təşkilatlar və halallıqla məşğul olan özəl qurumlarla birgə qiymətləndirmə aparıb. Artıq bir müəssisə qiymətləndirilib. Onun adı "Tayım Al-Sana" MMC-dir. Yalnız burda bizim iştirakımızla halallıqla bağlı nişan verilir. Təbii ki, qərar Qafqaz Müsəlmanlar İdarəsi tərəfindən də təsdiqlənib. GBizim fikrimizcə, maliyyə mənbəyi halal olmayan mal, həmçinin kreditlə maliyyələşən restoranlar, biznes qurumları halal ola bilməz. Bu bizim dini baxışımızdır. Bəzən kolbasaların tərkibinə genetik modifikasiya olunmuş komponentlər qarışdırılır. Bu da halal mal hesab olunmur".
Eyyub Hüseynov açıqlaması zamanı satışa çıxarılan suların keyfiyyətsizliyindən də danışıb: "Su qeyri-adi qida maddəsidir. Onun nə rəngi, nə dadı, nə də qoxusu var. Heç kim sübut edə bilmir ki, bu çənlərdən doldurulub, yoxsa təmizlənib. Bizim ilkin və primitiv təcrübəmiz göstərir ki, ən brend sularda da problemlər var. Artıq həmin ekspertizanı aparan cihaz Standartlaşdırma, Metrologiya və Patent üzrə Dövlət Komitəsində etalonla müqayisə olunub. Yaxın vaxtlarda bununla bağlı geniş açıqlama verəcəyəm. Hazırda müşahidələrimiz də göstərdi ki, avtomobillərin akkumlyator üçün satılan təmizlənmiş su duzlarla zəngindir. Bu da ölkədə anormal bir haldır. Mən də bu məsələnin araşdırılması üçün Standartlaşdırma, Metrologiya və Patent üzrə Dövlət Komitəsinə məktubla müraciət etmişəm".
Bütün xəbərlər Facebook səhifəmizdə
USD
EUR
GBP
RUB