Tovuzun Aşağı Quşçu kəndində, Camal Sadıqova məxsus ictimai iaşə obyektlərinin yerləşdiyi 3 mərtəbəli binada güclü yanğın hadisəsi baş verib. SİA-nın bölgə müxbirinin verdiyi xəbərə görə, tez bir zamanda alovlanan obyekti söndürmək mümkün olmadığından hadisə yerinə yanğınsöndürənlər çağrılıb. 3 avtomobil və xeyli canlı qüvvə alovu ram etməyə nail ola bilib. Yanğın hadisəsi zamanı ümumi sahəsi 1080 kv.m olan üçmərtəbəli mansarddan ibarət obyektin 2-ci mərtəbəsinin lambirdən olan tavanı 308 kv.m, 3-cü mərtəbəsinin yanar konstruksiyaları 360 kv.m və bitişik ümumi sahəsi 312 kv.m olan birmərtəbəli qarışıq mallar mağazasının dam örtüyünün yanar konstruksiyaları 120 kv.m sahədə yanaraq yarasız hala düşüb.
Qeyd edək ki, 3 mərtəbəli binanın 2-ci və 3-cü mərtəbələrində yerləşən yeməkxana, bərbərxana yanan zaman xəsarət alan olmayıb. Hadisə zamanı yaxınlıqdakı digər satış mərkəzləri yanğından mühafizə olunub. Hadisənin baş vermə səbəbləri araşdırılır.
Kamran Əskiparalı
Bütün xəbərlər Facebook səhifəmizdə
USD
EUR
GBP
RUB