"Bakı-2015" I Avropa Oyunlarının açılış və bağlanış mərasimlərinin möhtəşəmliyi hələ də təəssüratlarda yaşayır. Oyunlarla bağlı əhali öz fikirlərini əməkdaşlarımızla bölüşür. SİA-nın Qarabağ bürosu üzrə bölgə müxbirinin verdiyi xəbərə görə, Bərdə rayon sakini Rauf Rzayev Oyunlarla bağlı fikirlərini bu cür ifadə edib: "Azərbaycan ilk Avropa Oyunlarına layiqli ev sahibliyi etdi. İstər oyunların açılışı, istərsə də bağlanışı möhtəşəm oldu. Heç kəsin gözləmədiyi səviyyədə keçən Avropa Oyunları 17 gün ərzində bütün dünyanın gözünü Azərbaycana dikə bildi. Medalların sayına görə ölkəmizin ikinci yerdə olması bir daha Azərbaycanı idman ölkəsi kimi dünaya tanıtdı. Bu, həm də ölkəmizdə dövlətin idmana göstərdiyi diqqət və qayğının yüksək səviyyədə olmasından xəbər verirdi. Bir sözlə Azərbaycan bu sınaqdan şərəflə çıxaraq yeni dünya tarixinə silinməz iz qoydu. Qürurverici məqamlardan biri də Dünya Karate Federasiyasının Prezidentinin beynəlxalq turnirlərdə qalib olan Rafael Ağayevi Avropa Oyunlarında qazandığı zəfərdən sonra "Karate dünyasının əfsanəsi" adlandırması oldu. Avropa Oyunları ərzində Azərbaycan xalqı öz daxili birliyini nümayiş etdirdi".
.jpg)
Bərdə rayon Gənclər və İdman idarəsinin rəisi Anar Şahbazov isə bildirib ki, Oyunlar Olimpiya Oyunlarının tarixində sadəcə, birinci Avropa Oyunları kimi deyil, eyni zamanda ən gözəl Oyunlar kimi yaddaşlara həkk oluna bildi: "I Avropa Oyunlarında 50 dövlətdən 6000-dən çox idmançının 20 idman növündə öz güclərini sınaması və Azərbaycan idmançılarının 56 medal qazanaraq komandalar arasında ikinci olması qürurverici bir hadisədir".
Şamxal Çəliloğlu
Bütün xəbərlər Facebook səhifəmizdə
USD
EUR
GBP
RUB