Azərbaycan Respublikası Gənclər Təşkilatları Milli Şurası (ARGTMŞ) "3G" (G=gənclər) strategiyasının "gənclər təşkilatları institutunun gücləndirilməsi" istiqaməti çərçivəsində fəaliyyətini davam etdirir. SİA-nın məlumatına görə, ARGTMŞ strategiyası çərçivəsində "Sağlam Ailə" Tibb Mərkəzinin tərəfdaşlığı ilə ARGTMŞ-ın üzv təşkilatlarının rəhbərlərinə "Sağlam Ailə" Tibb Mərkəzinin tibb kartlarının təqdimetmə mərasimi keçirilib. Tədbirdə ARGTMŞ-ın sədri Şahin Seyidzadə, Sağlam Ailə Tibb Mərkəzinin Reklam işləri üzrə mütəxəssis Aytac Kərimli, tibb mərkəzinin əməkdaşları, ARGTMŞ-ın üzvü olan gənclər təşkilatlarının rəhbər və fəalları iştirak ediblər.
Tədbirə hər iki qurumu təmsil edən rəsmilərin çıxışları ilə start verilib. Çıxışlar zamanı dinləyənlərə Sağlam Ailə Tibb Mərkəzi və "Sağlam Ailə" tibb kartları haqqında ətraflı məlumat verilib. Qeyd olunub ki, "Sağlam Ailə" tibb kartları hər bir şəxsə məxsus olan tibbi tarixçə kartıdır. Kart yalnız Sağlam Ailə Tibb Mərkəzlərində keçərlidir və fərdi olduğu üçün başqa bir şəxs tərəfindən istifadə oluna bilməz. Tədbir tibb kartlarının təqdimetmə mərasimi ilə başa çatıb.
Qeyd edək ki, ARGTMŞ və Sağlam Ailə Tibb Mərkəzi sıx əməkdaşlıq əlaqələrinə malikdir. 10 dekabr 2014-cü il tarixində Sağlam Ailə Tibb Mərkəzi, Azərbaycan Respublikası Gənclər Təşkilatları Milli Şurası və AVROMED Şirkətinin təşkilatçılığı ilə 500 nəfərin iştirakı etdiyi "Sağlam gənclik, sağlam gələcək" Forumu həyata keçirilib. Daha sonra 26 dekabr 2015-ci il tarixində Sağlam Ailə Tibb Mərkəzinə məlumat turu təşkil olunub və 21 fevral 2015-ci il tarixində Konfrans Ailə, Qadın və Uşaq Problemləri üzrə Dövlət Komitəsi, Azərbaycan Respublikası Milli Məclisinin Sosial siyasət komitəsi, Azərbaycan Respublikası Ədliyyə Nazirliyinin Vətəndaşlıq Vəziyyəti Aktlarının Reyestr Xidməti, Sağlam Ailə Tibb Mərkəzi, Azərbaycan Respublikası Gənclər Təşkilatları Milli Şurasının təşkilatçılığı ilə "Sağlam Ailə-Sağlam Cəmiyyət-Güclü Dövlət" adlı konfrans həyata keçirilib.
Bütün xəbərlər Facebook səhifəmizdə
USD
EUR
GBP
RUB