Xaçmazın Gödəkli kəndində yeni qaz xəttinin açılışı olub. SİA-nın bölgə müxbirinin xəbərinə görə, tədbirdə rayon İcra Hakimiyyətinin və "Azəriqaz" İstehsalat Birliyinin təmsilçiləri, ictimaiyyət nümayəndələri istirak ediblər. Qeyd edilib ki, ümumi uzunluğu 17000 metr olan müxtəlif diametrli metal borularla daşıyıcı və məhəllədaxili qaz xətləri çəkilib, 306 ədəd sayğac və fərdi tənzimləyicilər quraşdırılıb. Çıxış edən kənd sakinləri və ictimaiyyət nümayəndələri yaşayış məntəqələrinə təbii qazın verilməsinə görə Azərbaycan Prezidenti cənab İlham Əliyevə minnətdarlıqlarını bildiriblər.
Xatırladaq ki, indiyə kimi Xaçmazda 63 yaşayış məntəqəsi təbii qazla təmin olunub.
Emin Kərimov
.jpg)
Bütün xəbərlər Facebook səhifəmizdə
USD
EUR
GBP
RUB