Gənclər üçün Təhsil Mərkəzinin Qarabağ Regional Ofisi və Ağcabədi rayon İcra Hakimiyyətinin birgə əməkdaşlığı çərçivəsində "Peşə Təhsili üzrə Regional Məsləhət və Yardım Xidməti" ilk təlimlərinə yekun vurub. Mərkəzdən SİA-ya verilən xəbərə görə, Ağcabədi rayon Heydər Əliyev Mərkəzində davam edən 2 aylıq ilk təlim müddətində bir qrup gənc toxuculuq və dərzi peşələrinə yiyələniblər.
Mərkəzdən verilən məlumata görə, Xidmət çərçivəsində gənclərə toxuculuq, xalçaçılıq, rəssamlıq, kompyuter, musiqi və digər ödənişsiz kurslar təşkil olunacaq, onlar bu sahədə həm nəzəri, həm də praktik biliklərə yiyələnəcəklər.
Qeyd edək ki, Peşə Təhsili üzrə Regional Məsləhət və Yardım Xidməti regionda əmək bazarının araşdırılmasına, texniki-peşə məktəblərinin mühəndis-pedaqoji heyətləri üçün ixtisasartırma kurslarının təşkil edilməsinə, regionda əmək bazarının tələblərinə uyğun olaraq peşələrin müəyyənləşdirilməsinə və tədrisinə yardım etmək məqsədilə yaradılıb.
.jpg)
.jpg)
.jpg)
Bütün xəbərlər Facebook səhifəmizdə
USD
EUR
GBP
RUB