Azərbaycan Milli Elmlər Akademiyası Genetik Ehtiyatlar İnstitutunun doktorantı İlhamə Mirzəliyeva Mərakeş Krallığının Rabat şəhərində 12 günlük təlim və tədqiqat proqramında iştirakının nəticələrinə dair seminarda çıxış edib. SİA-nın məlumatına görə, o, "Genbankların sənədləşdirilməsində informasiyanın idarə olunması, bitkilərdə faydalı əlamətlərin aşkar edilməsində və kolleksiyaların təhlilində istifadə edilən informasiya texnologiyaları" adlı seminarda xatırladıb ki, tədqiqatlar Rabat şəhərində yerləşən Milli Aqrar Tədqiqatlar İnstitutunda (İNRA) Quraq Ərazilərdə Aqrar Tədqiqatlar üzrə Beynəlxalq Mərkəz (İCARDA) tərəfindən, Bitki Müxtəlifliyi üzrə Qlobal Etimad Fondunun (GCDT) maliyyə dəstəyi ilə həyata keçirilib. İ.Mirzəliyeva biomüxtəlifliyin qorunub saxlanması və səmərəli istifadəsinə, səciyyələndirmə məlumat bazalarının yaradılmasına cəlb edilən müasir informasiya texnologiyalarının - coğrafi informasiya sistemləri – DİVA GİS və R-platform kimi proqram paketinin statistik təhlillərin aparılmasına tətbiqinin yararlarından və müvafiq proqram təminatının genbank idarəçiliyində informasiya xarakterli problemlərin araşdırılmasında verdiyi imkanlardan danışıb. Gənc mütəxəssis seminar iştirakçılarının suallarını cavablandırmış, tədqiqatların nəticələri geniş müzakirə olunub.
Bütün xəbərlər Facebook səhifəmizdə
USD
EUR
GBP
RUB