Aprelin 3-də Qafqaz Müsəlmanları İdarəsinin sədri Şeyxülislam Allahşükür Paşazadə Vatikanın Cənubi Qafqaz üzrə elçisi Nunsi Marek Solçinskini qəbul edib. QMİ-nin mətbuat xidmətindən SİA-ya verilən xəbərə görə, qarşılıqlı səmimiyyət şəraitində keçən görüşdə Vatikanla Qafqazın dini mərkəzi olan Qafqaz Müsəlmanları İdarəsi arasında mövcud dini-mənəvi əlaqələr və onların inkişaf perspektivləri müzakirə edilib.
Roma Papası Fransiskə səmimi salamlarını və xoş arzularını yetirməyi xahiş edən Şeyxülislam A. Paşazadə qarşıdan gələn Pasxa bayramı münasibətilə dünya katoliklərini təbrik etdi və Zati-müqəddəslərinə təbrik məktubunu elçiyə təqdim edib.
Nunsi Marek Solçinski görüş imkanına görə QMİ sədrinə minnətdarlığını bildirdi, Vatikan-Azərbaycan əlaqələrinin yüksək səviyyəsindən razılıq ifadə etdi və bu əlaqələrin inkişafında Şeyxülislamın rolunun Vatikan tərəfindən dəyərləndirildiyini diqqətə çatdırıb.
Görüşdə Azərbaycandakı katolik icmasının başçısı ordinari Vladimir Fekete iştirak edib.
Bütün xəbərlər Facebook səhifəmizdə
USD
EUR
GBP
RUB