Ölkəmizdə rəsmi səfərdə olan Pakistan prezidenti Məmnun Hüseyn Bakıda Heydər məscidi ilə tanış olub. SİA-nın xəbərinə görə, Qafqaz Müsəlmanları İdarəsinin sədri şeyxülislam Allahşükür Paşazadə ali qonağa məlumat verib ki, tikintisinə 2012-ci ilin sentyabr ayında başlanılan Heydər məscidi 2014-cü il dekabrın 26-da istifadəyə verilib.
Bildirilib ki, maddi-mədəniyyət abidələrinin bərpası və mühafizəsini daim diqqət mərkəzində saxlayan dövlətimizin başçısının sərəncamları ilə son bir neçə ildə qədim tarixi abidələrin, ziyarətgahların bərpası ilə bağlı görülən silsilə tədbirlər dini-mənəvi dəyərlərə verilən yüksək qiymətin göstəricisidir.
Heydər məscidi ilə tanış olan Pakistan prezidenti Azərbaycanda dini-mənəvi dəyərlərə göstərilən diqqəti yüksək dəyərləndirib. (AzərTAc)
Bütün xəbərlər Facebook səhifəmizdə
USD
EUR
GBP
RUB