"Salyan, Cəlilabad və digər rayonlar qəfil qarın yağması bu rayonlarda bir çox problemlərə yol açıb". SİA-nın məlumatına görə, bunu millət vəkili Elmira Axundova Milli Məclisin bu gün keçirilən plenar iclasında deyib.
Millət vəkili qeyd edib ki, bu rayonlar xüsusilə də ciddi işıq problemlərlə qarşılaşıblar: "Azərİşıq"-ın sədri Baba Rzayev bu problemin kökündən həll edəcəyi ilə bağlı söz verib. Son məlumata görə, hazırda müəyyən işlər görülür, ancaq yenilənmə işləri çox ləng gedir. Texniki vasitlərəin yenilənməsinə isə kifayət qədər maliyyə vəsaiti tələb olunur".
E.Axundova bildirib ki, güclü qar və şaxtalı hava ilə əlaqədar olaraq, yollar buz bağlayıb və nəqliyyatın hərəkətində problemlər yaranıb: "Müfaviq dövlət orqanları, rayonların kommunal təsərrüfat idarələri bu cür sərt havalara hazır deyillər. Tək Salyan ərazisində cəmi iki qartəmizləyən maşın işləyirdi. Qaradağa gedən yolda isə bir texnikaya rast gəlmədik. Bunun da nəticədə bu yollarda xeyli yol-nəqliyyat hadisələri baş vermişdi. Çox dəhşətli mənzərə yaranmışdı. Polislərdən başqa yollarda qalmış vətəndaşların vəziyyətinə kömək edən bir dövlət qurumu əməkdaşı yoxdu"
Bütün xəbərlər Facebook səhifəmizdə
USD
EUR
GBP
RUB