Ekologiya və Təbii Sərvətlər Nazirliyi Fevral ayına olan hava proqnozunu açıqlayıb. Nazirliyin Milli Hidrometeorologiya Departamentinin Hidrometeoroloji Proqnozlar Bürosundan SİA-ya verilən məlumata görə, aylıq yağıntının miqdarının iqlim normasına yaxın, bəzi yerlərdə isə iqlim normasından bir qədər çox olacağı ehtimalı var.
Bakıda və Abşeron yarımadasında orta aylıq temperatur 2-4 dərəcə isti gözlənilir ki, bu da iqlim normasına yaxındır. Gecələr 2-6 dərəcə isti, bəzi günlərdə 0-5 dərəcə şaxta olacağı ehtimalı var. Gündüzlər 7-12 dərəcə isti, bəzi günlərdə 2 dərəcə şaxtadan 3 dərəcəyədək isti, ayın ikinci yarısının bəzi günlərində 15-18 dərəcə isti gözlənilir. Yağıntı aylıq yağıntının miqdarının iqlim normasına yaxın (norma 21-24 mm) olacağı gözlənilir.
Naxçıvan Muxtar Respublikasında temperatur orta aylıq 0-5° şaxta gözlənilir ki, bu da iqlim normasına yaxın və bir qədər aşağıdır. Gecələr 3-8° şaxta, bəzi günlərdə 15-20° şaxta təşkil edəcək. Gündüzlər 9-14° isti, bəzi günlərdə 3° şaxtadan 2°-dək isti, ayın ikinci yarısının bəzi günlərində 16-18° isti gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 11-29 mm) olacağı gözlənilir.
Yuxarı Qarabağ: Xankəndi, Şuşa, Xoçalı həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında temperatur orta aylıq 3° şaxtadan 2°-dək isti gözlənilir ki, bu da iqlim normasına yaxındır.
Gecələr 0-5° şaxta, bəzi günlərdə 10-15° şaxta təşkil edəcək. Gündüzlər 7-12° isti, bəzi günlərdə 0-5° şaxta,
ayın ikinci yarısının ayrı-ayrı günlərində 13-16° isti gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə
bir qədər çox (norma 25-35 mm) olacağı gözlənilir.
Qazax-Gəncə, Goranboy, Tər-Tər, Ağdam, Füzuli, Cəbrayıl rayonlarında temperatur orta aylıq 2-4° isti gözlənilir ki, bu da iqlim normasına yaxındır. Gecələr 0-5° isti, bəzi günlərdə 3-6° şaxta təşkil edəcək. Gündüzlər 7-12° isti, bəzi günlərdə 3° şaxtadan 2°-dək isti,
ayın ikinci yarısının bəzi günlərində 15-17° isti gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə
bir qədər çox (norma 15-36 mm) olacağı gözlənilir.
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında temperatur
orta aylıq 1° şaxtadan 3°-dək isti gözlənilir ki, bu da iqlim normasına yaxındır. Gecələr 2-7° şaxta, bəzi günlərdə 0-5° isti təşkil edəcək.
Gündüzlər 6-11° isti, bəzi günlərdə 2° şaxtadan 3°-dək isti, ayın ikinci yarısının ayrı-ayrı günlərində 14-17° isti gözlənilir.
Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 24-55 mm) olacağı gözlənilir.
Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında temperatur orta aylıq 3-5° isti gözlənilir ki, bu da iqlim normasına yaxındır. Gecələr 2-7° isti, bəzi günlərdə 3° şaxtadan 2°-dək isti təşkil edəcək.Gündüzlər 9-14° isti, bəzi günlərdə 0-5° isti, ayın ikinci yarısının ayrı-ayrı günlərində 16-19° isti gözlənilir. Yağıntı aylıq yağıntının miqdarının iqlim normasın yaxın (norma 21-35 mm) olacağı gözlənilir.
Masallı, Yardımlı, Lerik, Lənkəran, Astara rayonlarında Orta aylıq 2-5° isti gözlənilir ki, bu da iqlim normasına yaxındır. Gecələr 2-7° isti, bəzi günlərdə 1-3° şaxta, dağlarda 7-12° şaxta təşkil edəcək. Gündüzlər 8-13° isti, bəzi günlərdə 0-3° isti, ayın ikinci yarısının ayrı-ayrı günlərində 16-19° isti gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 44-105 mm) olacağı gözlənilir
Bütün xəbərlər Facebook səhifəmizdə
USD
EUR
GBP
RUB