"Azərbaycan hava Yolları" (AZAL) QSC Bakı-Minsk-Bakı marşrutu ilə həyata keçirdiyi aviareyslər üzrə xüsusi endirim aksiyasına start verib. AZAL-dan SİA-ya verilən məlumata əsasən, aksiya çərçivəsində Bakı-Minsk-Bakı reysinə biletin qiyməti 315 avroya (287 manat - 22.01.2015 tarixinə rəsmi məzənnə) qədər azaldılıb. Bundan öncə isə biletlər 354 manata satılıb.
Bu gün başlayan aksiya martın 31-dək davam edəcək.
Qeyd edək ki, aksiya çərçivəsində satılan aviabiletin dəyişdirilməsi və qaytarılmasına icazə verilmir. Bu siniflər üzrə mile-ballar hesaba əlavə olunmayacaq. Yerlər məhdud olduğuna görə, rəsmiləşdirməni əvvəlcədən aparmaq lazımdır. Bu biletlərlə səfər zamanı maksimal qalma müddəti isə bir ay müəyyənləşdirilib.
Bütün xəbərlər Facebook səhifəmizdə
USD
EUR
GBP
RUB