Yanvar ayının 17-də IDEA İctimai Birliyi və "Sevimli bala" təşkilatının birgə layihəsi olan "Uşaqlar üçün ekoloji laboratoriya"nın ilk məşğələsi keçirilib. SİA-nın xəbərinə görə, Azərbaycan Respublikası Prezidenti yanında Dövlət İdarəçilik Akademiyasında yerləşən IDEA Resurs Mərkəzində baş tutan "laboratoriya" gənc ekoloqların böyük marağına səbəb olub. Belə ki, məşğələ zamanı uşaqlar laboratoriya tədqiqatı vasitəsilə təbiət hadisələrinin, xüsusilə də buzların əriməsinin sirlərinə yiyələnmişlər. İnteraktiv xarakter daşıyan məşğələnin gedişində uşaqlar üçün təbiətlə bağlı həvəskar yarışmalar və maraqlı oyunlar təşkil edilmiş, eləcə də uşaqlar tərəfindən müxtəlif incəsənət nümunələri yaradılıb.
"Uşaqlar üçün ekoloji laboratoriya" layihəsinin məqsədi uşaqların ətraf mühit və təbiəti daha yaxşı dərk etməsinə yardım etmək və gənc nəslin təbiətə qayğı hissləri ilə yetişməsinə töhfə verməkdən ibarətdir.
"Laboratoriyanın" növbəti təlimlərinin tarixləri və mövzuları barədə mütəmadi olaraq, mətbuatda elan veriləcək.
Bütün xəbərlər Facebook səhifəmizdə
USD
EUR
GBP
RUB