"Azərbaycanda mövcud olan Miqrasiya Məcəlləsi həm regionda, həm də dünyada ilk qəbul olunan miqrasiya qanunudur". SİA-nın məlumatına görə, bunu Dövlət Miqrasiya Xidmətinin rəis müavini Pərviz Musayev bu gün Milli Məclisdə Türkdilli ölkələrin Parlament Assambleyasına (Türk PA) üzv ölkələrinin sosial-siyasət komitələrinin II birgə toplantısında "TürkPA üzv ölkələrinin Miqrasiya Problemləri və İmkanları" mövzusunda müzakirələr zamanı deyib.
P. Musayev vurğulayıb ki, bu məcəllədə zaman-zaman bəzi dəyişikliklərin edilməsi beynəlxalq qanunlar çərçivəsində baş verir ki, bu da təbiidir.
P. Musayev bildirib ki, bu gün ölkəyə gələn əməkçi miqrantların və ailələrinin hüquqları yüksək səviyyədə qorunur: "Azərbaycanda əməkçi miqrantların qəbul edilməsi və onların üçün müvafiq şəraitin yaradılması Miqrasiya Məcəlləsinə əsasən tənzimlənir. Sonuncu dəyişikliklərdən sonra bu proses daha da sadələşdirilib. Əgər əməkçi miqrantlar 5 il Azərbaycanda işlədikdən sonra, 1 il öz ölkəsində qalmaqla, yenidən Azərbaycana qayıtmaları nəzərdə tutulurdusa, indi bu məsələ aradan qaldırılıb. Azərbaycanda nigaha girənlər və sahibkarlıqla məşğul olanlar xüsusi icazə almadan istədikləri işlərlə məşğul ola bilirlər. Azərbaycan hər 4 ildən bir BMT-nin müvafiq komitəsində hesabat verir. Sonuncu hesabat komitə tərəfindən qəbul olunaraq, yüksək səviyyədə qiymətləndirilib".
P. Musayev deyib ki, bu islahatlarla yanaşı, miqrasiya sahəsində bir sıra problemlər hələ də qalmaqdadır: "Biz dövlət qurumları və beynəlxalq təşkilatlarla birlikdə bu problemlərin aradan qaldırılması üçün fəaliyyət göstəririk. Hesab edirəm ki, biz bu problemlərin həllinə nail olacağıq".
Bütün xəbərlər Facebook səhifəmizdə
USD
EUR
GBP
RUB