Azərbaycan Respublikasının Prezidenti yanında Gənclər Fondunun (AzGF) maliyyə dəstəyi, Azərbaycan Tələbə Gənclər Təşkilatları İttifaqının (ATGTİ) təşkilatçılığı ilə tələbələr arasında müxtəlif fənnlər bloku (informatika, siyasi biliklər, təbiət elmləri, tarix və coğrafiya) üzrə keçirilən "Bakı olimpiadası-2014" layihəsi başa çatıb. SİA-nın məlumatına görə, bağlanış və qaliblərin mükafatlandırılması mərasimində Gənclər və idman nazirinin müavini İntiqam Babayev çıxış edərək ölkəmizdə reallaşdırılan gənclər siyasəti haqqında məlumat verərək, savadlı gənc nəslin formalaşmasının vacibliyini vurğulayıb.
Prezident Administrasiyasının İctimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev çıxışında bu kimi tədbirlərin önəmli olduğunu qeyd edib.
Çıxış edən AzGF-in Layihələr və regionlarla iş sektorunun müdiri Vaqif Seyidbəyov gənclər fondunun bundan sonra da bu kimi bilik yarışmalarını dəstəkləyəcəyini bildirib.
ATGTİ-nin sədri Şahin İsmayilov isə olimpiadanın finalçılarını bir daha təbrik edərək, onları ATGTİ-nin fəaliyyətində yaxından iştirak etməyə dəvət edib.
Mərasimin sonunda "Bakı olimpiadası-2014" hər bir fənn bloku üzrə qaliblər elan edildi, onlara sertifikatlar və qiymətli hədiyyələr təqdim edilib.
Qaliblər siyahısı:
Tarix və coğrafya fənni üzrə:
1-ci yer ADİU tələbəsi - İbrahim Vəlizadə
2-ci yeri DİA tələbəsi - Aydan Tağızadə
3-cü yer "Qafqaz" Universitetinin tələbəsi - Cavid Qədirov
İnformatika fənni üzrə qaliblər:
1-ci yer ADNA tələbəsi - Tural Qurbanov
2-ci yeri ATU tələbəsi - Elnur Hacıyev
3-cü yer AzTU tələbəsi - Nuridə Məmmədova
Siyasi biliklər fənni üzrə qaliblər:
1-ci yer BDU tələbəsi - Fərid Əliyev
2-ci yeri DİA tələbəsi - Lətifə Məmmədova
3-cü yer BDU tələbəsi - Səbuhi Abbasov
Təbiət elmləri fənni üzrə qaliblər:
1-ci yer ATU tələbəsi - Elxan Talıblı
2-ci yeri ATU tələbəsi - Ülkər Həsənli
3-cü yer ATU tələbəsi - Ülvi Hacızadə
Bütün xəbərlər Facebook səhifəmizdə
USD
EUR
GBP
RUB